औरंगाबाद : एसटीच्या संपाच्या अनुशंगाने शनिवारी वीस शिवशाही व २१ लालपरी रस्त्यावर धावल्या, यातून तब्बल दिड हजार प्रवाशांनी प्रवास केला. एसटी कर्मचाऱ्यांचा संप सुरु असला तरीही दररोज काही कर्मचारी ड्युटीवर हजर होत आहेत. त्यामुळे काही प्रमाणात बससेवा चालवली जात आहे. शनिवारी औरंगाबाद मध्यवर्ती बसस्थानकातून औरंगाबाद -पुणे मार्गावर सोळा खासगी शिवशाही चालवण्यात आल्या, तर औरंगाबाद नाशिक या मार्गावर चार बस सोडण्यात आल्या होत्या.

त्याचप्रमाणे २१ लालपरीच्या माध्यमाने प्रवाशी वाहतूकही करण्यात आली. सिडको जालना मार्गावर आठ लालपरीने सोळा फेऱ्या केल्या, औरंगाबाद सिल्लोड मार्गावर चार बसने आठ फेऱ्या केल्या, औरंगाबाद आगारातून कन्नड मार्गावर एका बसने चार फेऱ्या केल्या. तर कन्नड आगारातून औरंगाबाद मार्गावर चार बसने चार फेऱ्या केल्या. सोयगाव बनोटी, सोयगाव अजिंठा दरम्यान प्रत्येकी एक बस चालवण्यात आली, गंगापूर महालगाव, गंगापूर नेवासा प्रत्येक एक बस सोडण्यात आली होती. एकूण ४१ बसद्वारे ७० फेऱ्या करण्यात आल्या, यामध्ये १५४१ प्रवाशांनी प्रवास केला.पुणे, नाशिक मार्गावर २० खासगी शिवशाही दिडहजार प्रवाशांनी घेतला लाभ.