वाळूजमहानगर, ता. १६ (बातमीदार) ः बजाजनगर येथे खेळता खेळता पाण्यात पडून बुडाल्याने दोघा सख्ख्या बहीण-भावाचा मृत्यू झाला. दरम्यान, पोलिसांनी आरोपीस अटक करून न्यायालयासमोर उभे केले असता त्यांना न्यायालयीन कोठडी सुनावण्यात आली.
वाळूज औद्योगिक वसाहतीतील महिला कामगार विद्या राहुल देशमुख (३५) या स्टरलाइट कंपनी समोर, इंद्रप्रस्थ कॉलनी, बजाजनगर येथील तानाजी सरडे यांच्या घरात भाड्याने राहतात. त्यांची मुलगी चैताली (१०) व मुलगा समर्थ (७) हे दोन्ही मुले खेळता-खेळता आरोपी अशोक शिनगारे व नितीन गायकवाड यांनी इमारतीच्या पायाच्या बांधकामासाठी केलेल्या खड्ड्यात पडून दोघेही मरण पावले.
शुक्रवारी (ता.१५) रोजी सायंकाळी चार वाजेच्या सुमारास घडलेल्या या घटनेत प्रकरणी विद्या देशमुख यांनी दिलेल्या फिर्यादीनुसार आरोपी अशोक शिंगारे व नितीन गायकवाड यांनी खोदून ठेवलेल्या खड्यात ही दोन्ही मुले बुडून मरण पावली. या खड्ड्याभोवती सुरक्षेसाठी कोणतीही व्यवस्था करण्यात आलेली नव्हती. उघड्यावर असलेल्या या खड्ड्यात सांडपाणी भरून ठेवले होते. त्यात दोन्ही मुले पडली. त्यांच्या मृत्यूस कारणीभूत ठरल्याने म्हणून दोन्ही आरोपींविरुद्ध वाळूज एमआयडीसी पोलिस ठाण्यात गुन्हा दाखल करण्यात आला. पुढील वरिष्ठ पोलिस निरीक्षक अविनाश आघाव यांच्या मार्गदर्शनाखाली तपासी अधिकारी सचिन डाके यांनी आरोपीस अटक करून न्यायालयासमोर उभे केले असता त्यांची न्यायालयीन कोठडीत रवानगी करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.