पाचोड (जि.औरंगाबाद) : तीन दिवसांच्या विश्रांतीनंतर पाचोड (ता.पैठण) येथे गुरुवारी (ता.एक) तीन वाजता पावसाने जोरदार हजेरी लावल्याने रब्बीच्या पेरणीसाठी जुळवाजुळव करून शेतावर गेलेले शेतकरी वाफसा मोडल्याने निराश होऊन गावांकडे परतले. सलग चार महिन्यांपासून पाचोडसह पैठण तालुक्यात पावसाने थैमान घातल्यानंतर केवळ दोनच दिवस उघडीप दिली, अन् शेतकऱ्यांना हायसे वाटले. परंतु आज पुन्हा पावसाने दुपारी जोरदार वादळी वाऱ्यासह हजेरी लावून शेतकऱ्यांच्या आनंदावर विरजन घातले.
सकाळी मोठ्या उत्साहाने शेतकऱ्यांनी रब्बीच्या पेरणीसाठी जमवा जमव करून शेती अवजारे, बियाणे, मजुर घेऊन पेरण्यासाठी शेतावर गेले. पेरणी सुरू होऊन पाटाभर रान होत नाही तोच धो....धो पाऊस सुरू झाला व क्षणातच वाफसा मोडल्याने शेतावर गेलेले शेतकरी फौजफाट्यासह घरी,गावाकडे परतले. आता पावसाने उघडीप दिली तर वेळेवर रब्बीच्या पेरण्या होतील, अन्यथा पावसाने आपला जोर कायमच ठेवला तर खरिपाच्या पेरण्याची वेळ निघून जाईल. अधिकच्या पावसामुळे रब्बीच्या पेरण्यासंबंधी प्रश्नचिन्ह निर्माण होण्याची शक्यता शेतकरी व्यक्त करत आहे.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.