छत्रपती संभाजीनगर : कोणत्याही नेत्याचा फोटो नाही, कोणत्याही एका कार्यकर्त्याचे नाव नाही. केवळ डॉ. बाबासाहेब आंबेडकर या महामानवाचा जीवनप्रवास मांडणारे दोनशे फूट बॅनर शहरात लावण्यात आले आहे. यातून हर्सूल येथील तक्षशिला नगर व एकतानगर मित्रमंडळाने समाजात एक वेगळा संदेश दिला आहे.
राज्यात कोणत्याही महापुरुषांची जयंती किंवा पुण्यतिथी असो, यावेळी अभिवादनाचे छापलेले बॅनर आपल्याला जागोजाग दिसतात. या बॅनरवर नेते व कार्यकर्त्यांचा फोटो मोठा आणि महापुरुषांचा फोटो छोटा असे बॅनर झळकताना दिसतात. सध्या राज्यभरात डॉ. बाबासाहेब आंबेडकर यांच्या जयंतीची जल्लोषात तयारी सुरू आहे. यात अनेक नेते, पदाधिकारी, जयंती उत्सव समिती, संस्थांच्या वतीने ठिकठिकाणी बॅनरबाजी करण्यात येत आहे. या बॅनरमध्ये महापुरुषांचे फोटो छोटे आणि नेते,
कार्यकर्त्यांची फोटो मोठे असे चित्र आहे. परंतु याला अपवाद ठरणाऱ्या एक डिजिटल बॅनरची चर्चा सध्या शहरात होत आहे. छत्रपती संभाजीनगरच्या हर्सूल येथील तक्षशिलानगर व एकतानगर येथील तरुण मित्रमंडळाने डॉ. आंबेडकरांच्या जीवनावरील कार्याचा आढावा घेणारे दोनशे फूट बॅनर छापले आहे. या बॅनरवर डॉ. आंबेडकरांचा शैक्षणिक प्रवास ते त्यांनी समाज, देशासाठी केलेल्या कार्याचा आढावा घेणारा मजकूर आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.