औरंगाबाद: जिल्हा मध्यवर्ती बँकेच्या 18 जागांसाठी सकाळी आठ वाजेपासून मतदान न सुरुवात झाली आहे. मतदान केंद्रावर मतदान मतदारांचा उमेदवारांच्या कार्यकर्त्यांची ही मोठी गर्दी जमा झाली आहेत. यात अनेकजण विना मास्क हॊते. सकाळी साडेदहा वाजता मतदान विभागीय सहनिबंधक कार्यालयात येथील मतदान केंद्रावर जिल्हाधिकारी व पोलीस आयुक्त त्यांनी भेट दिली.

यावेळी मास्क न घातलेल्यांना जिल्हाधिकाऱ्यांनी मास्क वाटप केले. मास्क न घालणाऱ्यावर दंडात्मक कारवाई करावी, अशा सूचनाही यावेळी जिल्हाधिकारी यांनी पोलिस आयुक्तांना दिल्या.

MPSC Exam: जेव्हा कोरोनाबाधित पेपर द्यायला परीक्षा केंद्रावर पोचतो...

जिल्हा मध्यवर्ती बँकेच्या 18 जागांसाठी 48 उमेदवार रिंगणात आहेत. जिल्ह्यातील दहा सेंटरवर मतदान प्रक्रिया सुरू आहेत. औरंगाबाद येथील विभागीय सहनिबंधक कार्यालयात दोन मतदान केंद्र असून त्या मतदान केंद्रावर लोक रांगा लावून व फिजिकल डिस्टन्स पाळत मतदानाचा हक्क बजावत आहेत. जिल्ह्यात एक हजार 114 मतदार आहेत.

शहरातील मतदान केंद्रास जिल्हाधिकारी व पोलिस आयुक्त यांनी संयुक्त भेट दिली यावेळी प्रवेश करताच काही उमेदवारांनी मास्क लावलेला नव्हता. त्यामुळे जिल्हाधिकार्‍यांनी त्यांना मास्क लावा फिजिकल डिस्टन्स ठेवा असे खडे बोल सुनावले.

Corona Updates: औरंगाबादकरांनो आतातरी सावध व्हा! जिल्ह्यात कोरोना रुग्णांचा...

मतदान केंद्राबाहेरील दोन्ही बाजूस उभी असलेल्या उमेदवारांच्या कार्यकर्त्यांनीही मास्क न घातल्यामुळे संतप्त झालेल्या जिल्हाधिकाऱ्यांनी सर्वांना चांगलेच सुनावत त्यांच्याजवळ असलेले मास्क  वाटप केले.

मास्क न वापरल्यास पाचशे रुपये प्रति दंड वसूल करा असे आदेश पोलिस आयुक्त व जिल्हाधिकाऱ्यांनी दिले.  मतदानासाठी रांगेत उभे असलेल्यांना फिजिकल डिस्टन्स ठेवण्याची ही सूचना पोलिस आयुक्तांनी केल्या.