औरंगाबाद: देशात मागील काही महिन्यांपासून पेट्रोल-डिझेल आणि गॅसचे दर मोठ्या प्रमाणात वाढताना दिसले. वाढत्या महागाईचा राज्यात विविध पक्षांकडून ठिकठिकाणी निषेध व्यक्त केला जात आहे. आज औरंगाबादमध्ये गॅस दरवाढीविरुध्द होत राष्ट्रवादी काँग्रेसने चुल मांडून शेणाच्या गोवऱ्यावर क्रांती चौकात स्वयंपाक करीत आंदोलन केले.
दिवसेंदिवस गॅस दरवाढीमुळे सर्वसामान्य महिला त्रस्त झाल्या आहेत. केंद्र सरकारविरुद्ध असंतोष आहे. त्याकडे लक्ष वेधण्यासाठी शेणाच्या गोवऱ्यावर स्वयंपाक आंदोलन करण्यात आले. यापूर्वीही चुल पेटवा आंदोलन राष्ट्रवादी महिला कॉंग्रेसतर्फे करण्यात आले. परंतू त्याची दखल घेण्यात आली नव्हती. त्यामुळे पुन्हा हे आंदोलन राज्यभर करण्यात आले आहे. सामान्य महागाईत होरपळत असताना घरगुती गॅसच्या किमतीत मोठी वाढ झाली.
तेल कंपन्यांनी ‘एलपीजी’ सिलेंडरच्या किमती जाहीर केल्या असून हे दर प्रति सिलेंडर २५ रुपयांनी वाढविले आहेत. या आधी व्यावसायिक सिलेंडरचे दर १९० रुपयांनी वाढविले. ही वाढ सामान्यांच्या आवाक्याबाहेर आहे. या विरोधात राष्ट्रवादी महिला कॉंग्रेसने सरकारविरोधी घोषणा देत असंतोष व्यक्त केला.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.