औरंगाबाद: ७० वर्षीय दाम्पत्याचा अपार्टमेंटमध्ये कुजलेल्या अवस्थेत मृतदेह आढळला. ही घटना मंगळवारी (ता.२३) दुपारी साडेतीन वाजता समोर आली. माधुरी विजय मेहंदळे (६५), विजय माधव मेहंदळे (७०) असे त्या मृत दाम्पत्याचे नाव असल्याची माहिती वेदांतनगर पोलिस ठाण्याचे निरीक्षक रामेश्‍वर रोडगे यांनी दिली. याप्रकरणी अकस्मात मृत्यूची नोंद करण्यात आली आहे.

यासंदर्भात निरीक्षक रोडगे यांनी दिलेल्या माहितीनुसार, बन्सीलालनगरातील अजिंक्य फिलोसिया अपार्टमेंटमधील फ्लॅट क्रमांक ४०३ मध्ये मेहेंदळे वृयोवृद्ध दाम्पत्य राहत होते. मागील १० ते १५ दिवसांपासून ते घरातून बाहेर आलेच नाहीत, तसेच घरातून उग्र वास येत असल्याची माहिती मामा चौक पदमपुऱ्यातील प्रमोद देववतवाल (४३) यांनी पोलिस ठाण्यात जाऊन दिली.

विघ्न काही दूर हाेईना; शुभमंगल सावधान...! मंगलाष्टका कानावर पडण्यास हाेणार उशिर

दरम्यान निरीक्षक रोडगे व सहायक पोलिस निरीक्षक कंकाळ, उपनिरीक्षक देवकते यांनी घटनास्थळी धाव घेतली असता, फ्लॅटचा दरवाजा आतून लावलेला होता. पोलिसांनी छतावर जाऊन गॅलरीत उतरुन किचनच्या गॅलरीतून आत पाहिले असता घरात माधूरी मेहेंदळे आणि विजय मेंहेदळे यांचा मृतदेह कुजलेल्या अवस्थेत आढळून आला. पोलिसांनी घटनास्थळाची पाहणी करुन उत्तरीय तपासणीसाठी घाटीत दाखल केला. घटनास्थळी पोलिस उपायुक्त निकेश खाटमोडे पाटील, सहायक आयुक्त एस. एच. भापकर यांनीही भेट दिली. पुढील तपास निरीक्षक शंकर डुकरे करत आहेत.

World Tuberculosis day 2021: दररोज सुमारे 4 हजार जण  क्षयरोगामुळे गमावतात जीव

मुलगी अमेरिकेत, ‘खाकी’नेच केले अंत्यसंस्कार 
यासंदर्भात मेंहदळे दांपत्यांच्या अपत्यांविषयी पोलिसांनी शोध घेतला असता, त्यांना एक मुलगी असून सध्या ती अमेरिकेत असल्याचे समजले. दरम्यान तिच्याशी संपर्क केला असता, तीला अंत्यविधीसाठी पोहोचता येत नसल्याचे तिने पोलिसांना कळविल्याचे पोलिसांनी सांगितले. दरम्यान वेदांतनगर पोलिस ठाण्याचे उपनिरीक्षक शंकर डुकरे व त्यांच्या सहकाऱ्यांनी मेंहदळे दांम्पत्यावर अंत्यसंस्कार केले. विजय मेंहदळे यांना सोरायसीस हा आजार जडला होता, तर माधुरी मेंहदळे यांना पॅरालिसीस झाला होता, अशी माहिती पोलिस उपनिरीक्षक शंकर डुकरे यांनी दिली.