औरंगाबाद: आनंदनगर, पुंडलिकनगर परिसरातील एका १४ वर्षीय मुलीने गळफास घेतल्याची घटना सोमवारी (ता.१) रोजी रात्री नऊवाजेदरम्यान समोर आली. तिला बेशुद्ध अवस्थेत घाटी रुग्णालयात दाखल करण्यात आले असता, वैद्यकीय अधिकाऱ्यांनी तपासून रात्री अकरा वाजेदरम्यान मृत घोषित केले. संजीवनी उर्फ दीपाली एकनाथ घेणे (१४, आनंदनगर) असे त्या मृत मुलीचे नाव आहे.
पोलिसांनी मृत दिपाली हिच्या नातेवाईकांचा जबाब घेतला असून नातेवाईकांकडून कोणाविरोधात तक्रार आली नसल्याचे पुंडलिकनगर पोलिसांनी सांगितले. या घटनेची नोंद पुंडलिकनगर पोलिस ठाण्यात करण्यात आली असून या प्रकरणाचा तपास उपनिरीक्षक मीरा चव्हाण करत आहेत.
आई-वडील कामावर गेले असताना दिपालीने गळफास घेतला आहे. दिपाली सध्या सातवीत शिकत होती. एवढ्या लहान वयात आत्महत्या केल्याने औरंगाबादकर हादरले आहेत. या घटनेने परिसरात मोठी खळबळ उडाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.