औरंगाबाद : जिल्हा व्यापारी महासंघ व महापालिकेतर्फे शहरातील व्यापाऱ्यांची सहा केंद्रांवर ॲन्टीजेन पद्धतीने कोरोना चाचणी केली जात आहे. गुरूवारी (ता. १८) दिवसभरात ६०५ चाचण्या करण्यात आल्या. त्यात ५७ जण पॉझिटिव्ह निघाले. चार दिवसांत एकूण २५२ व्यापारी पॉझिटिव्ह निघाले आहेत. सोमवारी (ता. १५) पहिल्याच दिवशी ८० जणांचे अहवाल पॉझिटिव्ह निघाले. दुसऱ्या दिवशी ६१ तिसऱ्या दिवशी ५४ तर चौथ्या दिवशी म्हणजे गुरुवारी ५७ जण पॉझिटिव्ह निघाले.

गुरुवारी दिवसभरात ६०५ व्यापाऱ्यांच्या चाचण्या करण्यात आल्या. यात तापडिया नाट्य मंदिरात २०० अ‍ॅन्टिजेन चाचण्यांतून १२ व्यापारी पॉझिटिव्ह निघाले. याप्रमाणे जाधववाडी मंडीत ५६ पैकी ४, गेंदा भवनात ५० पैकी १४, रामनगरात १२५ पैकी ९, जुना मोंढा येथे १०० पैकी ९ तर कासारी बाजारातील बालाजी मंदिर येथे ७४ चाचण्यांतून ९ जणांचे अहवाल कोरोना पॉझिटिव्ह आले.

संपादन - गणेश पिटेकर