पिशोर (जि.औरंगाबाद): पिशोर (ता.कन्नड) येथून जवळच असलेल्या कवड्या नदीवरील पुलालगत सिल्लोड-पिशोर रस्त्यावर रविवारी (ता.सात) सायंकाळी नऊ वाजता लुटमारीच्या उद्देशाने झालेल्या मारहाणीत एका महिलेचा खून झाल्याची घटना घडली. सिंधुबाई प्रभाकर जाधव (वय 58) असे मयत महिलेचे नाव आहे.
मयत महिलेच्या मुलाच्या धाडसामुळे एका आरोपीस पकडण्यात यश आले. मुलाच्या आरडाओरड ऐकून जमा झालेल्या आसपासच्या नागरिकांनी आरोपीस बेदम मारहाण करून पोलिसांच्या ताब्यात दिले आहे.
घटनास्थळी झटापटीत संशयित आरोपीचा एक मोबाईल व आधार कार्ड आढळले आहे. घराच्या बाजूला असलेल्या नाल्यात पंधरा फूट खाली महिलेचा विवस्त्र अवस्थेत मृतदेह पडलेला आढळला. मृत महिलेच्या मुलास सुद्धा बेदम मारहाण झालेली आहे. आरोपींची संख्या नेमकी किती होती हे अद्याप स्पष्ट नाही. मारहाण झालेल्या आरोपीस अधिक उपचारासाठी औरंगाबादला हलविले आहे. आरोपी गुन्हेगारी पार्श्वभूमीचा असल्याचे कळते.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.