औरंगाबाद: जिल्हा मध्यवर्ती बँकेच्या निवडणुकीतील उमेदवारांना रविवारी (ता. १४) चिन्ह वाटप करण्यात आले. यामध्ये आमदार हरिभाऊ बागडे, राज्यमंत्री अब्दुल सत्तार यांच्या शेतकरी विकास पॅनलला कपबशी तर माजी आमदार डॉ. कल्याण काळे यांच्या पॅनलला छत्री हे चिन्ह मिळाले आहे. तर अपक्षांनाही वेगवेगळ्या चिन्हांचे वाटप करण्यात आल्याची माहिती निवडणूक अधिकारी डॉ. मुकेश बारहाते यांनी दिली.
जिल्हा बँकेच्या २० जागांसाठी ४८ उमेदवार रिंगणात आहेत. २१ मार्चला मतदान होणार असून, २२ मार्चला मतमोजणी होणार आहे. शनिवारी (ता. १३) न्यायालयात गेलेल्यांच्या अर्जाची पुन्हा छाननी झाली. यात १४ जणांचे अर्ज बाद झाले होते.
तर कॅबिनेट मंत्री संदीपान भुमरे आणि किरण पाटील डोणगावकर हे अनुक्रमे पैठण आणि खुलताबाद सोसायटी मतदार संघातून बिनविरोध निवडून आले. रविवारी (ता. १४) निवडणूक अधिकाऱ्यांनी दुपारपर्यंत चिन्ह वाटप केले. यात अपक्षांना विमान, छताचा पंखा, पतंग, आणि मेणबत्ती असे चिन्ह मिळाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.