Aurangabad News 
छत्रपती संभाजीनगर

'सकाळ'चा पाठपुरावा : अखेर कंत्राटी पदांची जाहिरात प्रसिद्ध, महापालिकेनेही केली २४ डॉक्टरांची भरती

मनोज साखरे

औरंगाबाद : जिल्हा रुग्णालय व शासकीय वैद्यकीय महाविद्यालय व रुग्णालय (घाटी) येथील पदभरतीबाबत प्रशासनाकडून हालचाली वेगात असतानाच आता घाटी रुग्णालयातर्फे कोरोना विषाणूचा संसर्ग रोखण्यासाठी व कोरोना रोगाच्या कामासंदर्भात एकत्रित ठराविक वेतनावर कंत्राटी पदांची जाहिरात काढली आहे. ही पदभरतीची जाहीरात घाटीच्या संकेतस्थळावर प्रसिद्ध करण्यात आली आहे.

'सकाळ'ने जिल्हा रुग्णालयाला मनुष्यबळाची चिंता या मथळ्याखाली वृत्त प्रकाशित केले होते. त्यानंतर पालकमंत्री सुभाष देसाई यांनी याकडे तातडीने लक्ष घालुन प्रत्यक्ष विचारणा केली. निधीही उपलब्ध करुन दिला. त्यानंतर जिल्हाधिकारी व महापालिका आयुक्तांना त्यांनी तात्काळ पदभरतीच्या सुचना केल्या होत्या. यानंतर महापालिकेकडून २४ कंत्राटी डॉक्टरांची भरती पुर्ण झाली आहे.

जिल्हाधिकाऱ्यांनीही जिल्हा रुग्णालयात जिल्हाधिकाऱ्यांनीही बैठक घेत भरतीबाबत औपचारिकता पुर्ण करण्याच्या सुचना केल्या. यानंतर घाटी रुग्णालयानेही कंत्राटी पद्धतीने विविध पदांची नियुक्तीसाठी जाहिरात रुग्णालयाच्या संकेतस्थळावर www.gmcaurangabad.com प्रसिध्द केली आहे. या पदांचे अर्ज ऑनलाईन पद्धतीने विहित नमुन्यातील अर्जात सर्व कागदपत्रांसहित मेलद्वारे १३ मे २०२० पर्यंत सादर करावयाची आहेत, असे घाटीच्या अधिष्ठाता डॉ. कानन येळीकर यांनी सांगितले.

घाटीची या पदासाठी जाहिरात

विविध फिजिशियन, डयूटी मेडिकल ऑफिसर (डीएमओ एमबीबीएस/ बीएएमएस/बीएचएमएस), बधिरीकरण तज्ञ , चेस्ट फिजिशियन , इन्टेन्सिव्हीस्ट, बालरोग तज्ञ, शल्यचिकित्सक, कान, नाक-घसा तज्ञ, नेफ्रॉलॉजी परिचारिका अधिपरिचारिका, प्रयोगशाळा तंत्रज्ञ , कर्मचारी, डेटा एंट्री ऑपरेटर नर्सिंग स्टाफ, सफाईगार इत्यादींची पदासांठी जाहिरात प्रसिध्द करण्यात आली आहेत.

महापालिकेने केली २४ डॉक्टरांची भरती

करोनाशी मुकाबला करण्यासाठी महापालिकेच्या आरोग्य विभागात वैद्यकीय अधिकाऱ्यांची संख्या कमी आहे. त्यामुळे कंत्राटी पध्दतीने डॉक्टरांची भरती करण्याचा निर्णय घेण्यात आला होता. आधी तीन पद भरली. त्यानंतर गत आठवड्यात पालकमंत्री सुभाष देसाई यांनी महापालिकेच्या प्रशासकांना डॉक्टरांची भरती करण्याचे आदेश दिले. त्यानंतर ३२ बीएएमएस डॉक्टरांचे अर्ज आले. त्यापैकी १९ जणांना नियुक्ती देण्यात आली. बाकींच्यांची प्रतीक्षा यादी तयार करण्यात आली असून गरजेनुसार त्यांना नियुक्त्या देण्यात येणार आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pune ISIS sleeper cell: मोठी बातमी! पुणे ‘इसीस स्लीपर सेल मॉड्युल’ प्रकरणी अकरावी अटक; तीन लाखांचा होता इनाम!

Pune News : राज्यातील ‘या’ चार विद्यापीठांच्या अधिनियमांत सुधारणेसाठी समिती स्थापन

Pravin Darekar: 'या' महिलांना महापालिकेची कामे द्यावीत, प्रविण दरेकर यांची मागणी

Latest Marathi News Updates: 'सीएम'पदासाठी भाजपात पक्ष विलिन करण्याची शिंदेंची तयारी - संजय राऊतांचा टोला!

Tata Power: टाटाकडून मोठं गिफ्ट! तीन महिन्यात ४५ हजार घरात सौर प्रकाश

SCROLL FOR NEXT