औरंगाबाद: बेकायदा मोबाइल टॉवर उभारणाऱ्या मोबाइल कंपन्यांसह आता महापालिका प्रशासनाने बेकायदा टॉवरसाठी इमारत उपलब्ध करून देणाऱ्या मालमत्ताधारकांवरही कारवाई सुरू केली आहे. अशा मालमत्ताधारकांकडून थकीत मालमत्ता व पाणीपट्टी कराची सक्तीने वसुली करण्याचीच मोहीम राबवली जात आहे. रविवारी (ता.सात ) विविध ठिकाणी कारवाई करून थकीत कर वसुली करण्यात आली.
महापालिकेच्या पथकांनी उत्तमनगर, जवाहर कॉलनी येथील बेकायदा मोबाइल टॉवर सिल केले होते. तसेच ज्या इमारतीवर संबंधित टॉवर होते, त्यांच्याकडे पाणीपट्टी थकली होती, त्यामुळे तिथली नळजोडणी रविवारी तोडण्यात आली. किराडपुरा येथे टॉवर सील केल्यानंतर टॉवर असलेल्या मालमत्ताधारक घरमालकाकडून १० हजार रूपयांची थकबाकी वसूल करण्यात आली. चिश्तिया कॉलनीत हाजी नूर खान यांच्या इमारतीवरील इंडस कंपनीचे टॉवर सिल केले होते, त्या मालमत्ताधारकाकडून ५० रूपयांचा थकीत कर पथकाने वसूल केला.
तसेच सिडको एन-१२ येथील एका घरावरील बेकायदा टॉवर सिल केले होते, त्यांच्याकडून मालमत्ता आणि पाणीपट्टी कर असे मिळवून सुमारे ४३ हजार रुपये वसूल करण्यात आले. ही कारवाई महापालिका प्रशासक तथा आयुक्त आस्तिक कुमार पांडेय यांच्या मार्गदर्शनाखाली उपायुक्त तथा कर निर्धारक व संकलक अपर्णा थेटे, विशेष वसुली अधिकारी शिवाजी झनझन व संबंधित प्रभाग अधिकाऱ्यांनी केली.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.