औरंगाबाद: पतीसोबत झालेल्या वादातून रागाच्या भरात आत्महत्या करण्यासाठी सेव्हनहिल उड्डाणपुलावर गेलेल्या विवाहितेचे क्रांती चौक पोलिसांनी प्राण वाचविले. हा प्रकार गुरुवारी दुपारी सव्वाबाराच्या सुमारास घडला. यात विवाहितेचे समुपदेशन करून तिचे मनपरिवर्तन करण्यात आले.
क्रांतीचौक पोलीस ठाण्याचे निरीक्षक अमोल देवकर, उपनिरीक्षक गजानन सोनटक्के, जमादार मंगेश पवार, पोलीस नाईक नरेंद्र गुजर, जावेद पठाण, शिपाई संतोष रेड्डी, कृष्णा चौधरी, समी हे कोविड लस घेण्यासाठी जात होते. त्यावेळी सेव्हनहिल उड्डाणपुलावर सव्वाबाराच्या सुमारास खंडपीठाच्या दिशने एक महिला पळतच ग्रिलवर चढून उडी मारण्याचा प्रयत्न करताना पोलिसांना दिसली.
त्यांनी तात्काळ वाहन थांबविले व एका नागरिकाच्या मदतीने पोलिसांनी त्या महिलेला तात्काळ रोखत ताब्यात घेतले. तिला अगोदर पिण्यासाठी पाणी दिले. त्यानंतर तिची सहानुभूतीपूर्वक विचारपूस केली. तेव्हा तिने ती परभणी येथील असून, सध्या झाल्टा फाटा झोपडपट्टी येथे राहत असल्याचे सांगितले.
ती महिला व तिचे पती मजुरीसाठी औरंगाबाद येथे आले आहेत. पतीसोबत वाद झाल्यामुळे रागाच्या भरात उड्डाणपुलाच्या ग्रिलवर चढून उडी टाकणार होती, असे तिने पोलिसांना सांगितले. पोलिसांनी समुपदेशन करून तिला पतीसह मुलाच्या ताब्यात दिले. क्रांती चौक पोलिसांच्या सतर्कतेमुळे या विवाहितेचे प्राण वाचले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.