आडुळ (औरंगाबाद): एसटी महामंडळाने तीन ते चार वर्षांपूर्वी तोट्यात जात असलेल्या महामंडळाला नफ्यात आणण्यासाठी बसमध्ये आमुलाग्र बदल केले होते. यामध्ये मग प्रवासी संख्या कशी वाढेल यासाठी लाखो रुपये खर्च करुन विविध प्रयोग केले होते. याचाच एक भाग म्हणून प्रवाशांच्या मनोरंजनासाठी बसमध्ये वाय फाय सेवा सुरू केली होती.
मात्र मोबाईल कंपन्यांमधील वाढत्या स्पर्धेमुळे प्रत्येक ऍंन्ड्रॉईड मोबाइल धारकाकडे स्वतः चा इंटरनेट डाटा शिल्लक राहत असल्याने जवळपास सर्वच जण सोशल मिडीया (फेसबुक, व्हाट्स अॅप) वर अॅक्टिव्ह राहत असल्याने बसमध्ये बसवलेल्या वाय फाय सेवेचा वापर करण्यासाठी प्रवाशांकडे वेळेच नसल्याने चित्र पहावयास मिळत आहे. परिणामी लाखो रुपये खर्च करून बसविण्यात आलेले वाय फाय सेवेचे बॉक्स सध्या तरी शोभेची वस्तु बनले आहेत.
स्मार्टफोनचा वाढता वापर आणि डिजीटल महाराष्ट्राची संकल्पना साकार करण्यासाठी राज्य परिवहन महामंडळाने प्रवाशांसाठी बसमध्ये वायफाय सुविधा उपलब्ध करून दिली आहे. विशेष म्हणजे ही सुविधा शिवनेरी ते साध्या बसमध्येही देण्यात आली आहे. शहरी भागासह ग्रामीण भागात धावणाऱ्या बहुतांश बसेसमध्ये ही सुविधा आहे. याद्वारे प्रवाशाना स्मार्टफोनवर मराठी, हिंदी चित्रपट, नाटक आणि मालिका विनाशुल्क पाहण्याची सुविधा आहे. या सुविधेचा वापर कसा करावा याचे स्टीकर प्रत्येक सीटसमोर लावण्यात आले आहेत मात्र आता प्रत्येकाच्या स्मार्टफोनमध्ये फोर जी सेवेचा वापर केला जात आहे.
शिवाय विविध मोबाईल कंपन्यांचे अमर्याद इंटरनेट वापराचे प्लॅन महाग जरी झाले असले तरी स्मार्टफोन धारकांना ते वापराची सवय झालेली आहे. विशेष म्हणजे इंटरनेटचा वापर करून हवे ते एका क्लिकवर पाहता येणे शक्य आहे. त्यामुळे बसमधील वाय फाय सेवेचा वापर करण्यासाठी दिलेल्या सुचनांचे पालन करत बसण्याइतका वेळेही प्रवाशांकडे नसल्याची वस्तुस्थिती आहे. शिवाय बसमधील वाय फाय मध्ये इंटरनेट चा सोशल मीडिया ( व्हॉटसअॅप, फेसबुक) या सेवेचा वापर करता येत नाही. त्यामुळे प्रवाशी एकेकाळी अतिशय लोकप्रिय असलेल्या या वायफाय सुविधेकडे दुर्लक्ष करीत असल्याचे दिसून येत आहे. परिणामी बसमधील हि सुविधा वापराविना धूळ खात पडुन आहे.
मी नेहमी एसटीने प्रवास करते बसमध्ये वायफाय सुविधा आहे मात्र मी अमर्याद क्षमतेचा इंटरनेट रिचार्ज करीत असल्याने या सुविधेची गरज पडत नाही शिवाय बसमधील वायफाय जोडला तर सोशल मीडियावर अॅक्टिव्ह राहता येत नाही.. प्रज्वला इंगळे (एसटी बस प्रवाशी)
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.