औरंगाबाद: रमजानच्या चंद्राचे मंगळवारी (ता.१३) संध्याकाळी दर्शन झाल्याने बुधवारी (ता.१४) पहिला रोजा राहणार आहे. ब्रेक दी चेनअंतर्गत कडक निर्बंध लागू असल्याने अनेकांनी प्रत्यक्ष न भेटता फोन, सोशल मिडियावरुन रमजान आणि चांद मुबारकच्या शुभेच्छा दिल्या.

चंद्रदर्शन झाल्याने मंगळवारी रात्री विशेष नमाज ‘तरावीह’ला सुरवात झाली. मात्र, ही नमाज प्रत्येकाला मागील वर्षाप्रमाणे आपल्या कुटुंबासह घरातच अदा करावी लागली. रमजानमध्ये ‘तरावीह’ची विशेष नमाज रात्रीच्या ‘ईशा’च्या नमाजनंतर अदा केली जाते. विशेष ‘नमाज तरावीह’मध्ये महिनाभर कुराण पठण केले जात असल्याने सर्व मशिदीत गर्दी असायची. मात्र, या वर्षी सुद्धा कोरोनामुळे धार्मिक स्थळे बंद आहे 

सलग दुसऱ्या वर्षी राहणार नाही खाऊ गल्ली- 
दरवर्षी रमजान महिन्यात खाऊगल्लीमध्ये विविध पदार्थांची रेलचेल असते; मात्र सलग दुसऱ्या वर्षी खाऊ गल्ली राहणार नाही. मागील वर्षी प्रमाणे रोजे ठेवणाऱ्यांना फळे, पेंडखजुर, अन्नपदार्ख खरेदी करुन घरातच इप्तार करावा लागणार आहे.