औरंगाबाद : मासे पकडण्यासाठी (Fishing) गेलेल्या दोघा युवकांना तलावातील पाण्याचा अंदाज न आल्याने दोघेही तलावात बुडाले. ही दुर्दैवी घटना रविवारी (ता.नऊ) दुपारी साडेचार वाजता हर्सूल सावंगी (Harsul Sawangi Pond)येथील तलावात घडली. करण दशरथ निकम (वय ३२), नितीन विजय गायकवाड (२१, दोघेही रा. इकबालनगर, फकीरवाडी, हर्सूल) अशी मृत युवकांची नावे आहेत. या प्रकरणी हर्सूल पोलिस ठाण्यात (Harsul Police Station) नोंद करण्यात आहेत. (Aurangabad Latest News Two Youths Drowned In Harsul Sawangi Pond)

या संदर्भात हर्सूल ठाण्याच्या उपनिरीक्षक संगीता गिरी यांनी सांगितले की, रविवारी दुपारी करण निकम व नितीन गायकवाड हे दोघेही तलावात मासे पकडण्यासाठी गेले होते. पाण्याचा अंदाज न आल्याने दोघेही गटांगळ्या खाऊ लागले. हा प्रकार तलावाजवळ उभ्या असलेल्या काही युवकांच्या लक्षात आल्यावर त्यांनी तत्काळ या घटनेची माहिती अग्निशमन दलाला आणि हर्सूल पोलिसांना दिली. या घटनेची माहिती मिळताच उपनिरीक्षक अतुल ठोकळ यांच्यासह अग्निशमन दलाचे ड्युटी इन्चार्ज एल. पी. कोल्हे, शिवसंभा कल्याणकर, अक्षय नागरे, पंकज भालेकर, सुभाष दुधे, भुरालाल सलामपुरे आदींनी हर्सूल-सावंगी तलाव परिसरात धाव घेत मदत कार्य केले. या घटनेची नोंद हर्सूल पोलिस ठाण्यात करण्यात आली आहे.