पैठण (जि.औरंगाबाद) : तुकाराम बीज मुहूर्तावर पैठण येथील संत एकनाथ महाराजांच्या वाडा मंदिरातील कृष्णाने श्रीखंड्याच्या रूपात पाणी भरलेल्या नाथांच्या रांजणाची विधिवत पूजा व आरती विनीत महाराज गोसावी, ज्ञानराज गोसावी, श्रीजेश गोसावी यांनी केली. यानंतर भाविकांनी गोदावरीतून पाणी आणून भरण्यास सुरुवात करुन नाथषष्टी उत्सव यात्रा सोहळ्याला औपचारिक प्रारंभ करण्यात आला.
यानिमित्त सकाळी दहा वाजता नाथांच्या मंदिरात हा परंपरेनुसार हा धार्मिक कार्यक्रम कोरोनाच्या सर्व नियमांचे पालन करुन मोजक्याच भाविकांच्या उपस्थितीत उत्साहात पार पडला. नाथषष्टी सोहळ्याच्या निमित्ताने तुकाराम बीजेला नाथांच्या वाड्यातील रांजण भरण्याची प्राचीन परंपरा आहे. २१ फूट खोल व ९ फूट रुंद संपूर्ण दगडी बांधकाम असलेले हा रांजण आजही सुस्थितीत आहे. त्यामुळे या रांजणाला मोठी धार्मिक परंपरा असून यामुळे भाविकांत चैतन्याचे वातावरण निर्माण झाले आहे. नाथांच्या या वाड्यातील रांजणात श्रीकृष्णाने श्रीखंड्याच्या रुपात येऊन १२ वर्षे पाणी भरल्याची आख्यायिका आहे. त्यामुळे नाथांचा हा रांजण भाविकांचे श्रद्धास्थान आहे.
भाविकांच्या गर्दी अभावी शांतता!
नाथांच्या प्राचीन वाडा मंदिरातील नाथांचा रांजण भरणे ही नाथषष्टी सोहळ्याची औपचारिक सुरुवात असते. रांजण भरण्याच्या या धार्मिक कार्यक्रमात भाविक जल्लोष ही करतात. परंतु कोरोनामुळे यंदा ही परवानगी नसल्यामुळे भाविकांना उपस्थिती लावता आली नाही. त्यामुळे नाथांच्या वाड्यात जल्लोष नसल्याने शांतता असल्याचे दिसून आले.
Edited - Ganesh Pitekar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.