औरंगाबाद: अत्यावश्याक सेवेतील वाहतूक सेवा, सार्वजनीक वाहतूक सेवा सुरू आहे. मात्र ती सुरळीत सुरू राहण्यासाठी या क्षेत्राशी निगडीत स्पेअर पार्टची दुकाने दररोज सकाळी सात ते आठ या वेळात सुरू राहणार आहेत. तर शनिवार, रविवारी जीवनावश्यक बाबी पूर्ववत सुरू राहणार आहेत. यापुढे आपत्ती व्यवस्थापनासंदर्भातील सर्व आदेश केवळ आपत्ती व्यवस्थापन प्राधिकरणाकडून निर्गमित केले जातील, असा निर्णय जिल्हा आपत्ती व्यवस्थापन प्राधिकरणाच्या बैठकीत घेण्यात आला. 

जिल्हा आपत्ती व्यवस्थापन प्राधिकरणाची बैठक शुक्रवारी (ता.नऊ) जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष श्री. चव्हाण यांच्या अध्यक्षतेखाली पार पडली. मुख्य कार्यकारी अधिकारी डॉ. मंगेश गोंदावले, पोलीस उपायुक्त दिपक गिऱ्हे, आरोग्य वैद्यकीय अधिकारी डॉ. निता पाडळकर उपस्थित होते. 

पैठणमध्ये घरी बोलवून नगरसेविकेच्या भावावर चाकूने खुनी हल्ला, हल्लेखोरांचा शोध...

राज्य आपत्ती व्यवस्थापन प्राधिकरणाकडील आदेशामधील सर्व सूचना या पुरवणी आदेशासह संपूर्ण जिल्ह्यात लागू राहतील. टायर विक्री, रिपेअर वर्कशॉप, सर्व्हीस सेंटर आणि स्पेअर पार्ट विक्री आस्थापना सर्व दिवशी सकाळी ७ ते रात्री ८ या वेळेत सुरु राहतील. तथापि वॉशिंग सेंटर, डेकोर आणि तत्सम शॉप, केंद्र बंद असतील. सर्व प्रकारच्या ऑप्टीकल्स शॉप सुरु राहतील. चार्टर्ड अकाऊंटंट यांची कार्यालये सुरु राहतील. 

लग्न समारंभ केवळ खाजगी जागांमध्ये स्थानिक पोलीस स्टेशन अधिकारी यांची ना-हरकत घेऊन, स्थानिक स्वराज्य संस्थेकडे परवानगीसाठी अर्ज सादर करावा व परवानगी घेऊनच आयोजित करावे. जास्तीत जास्त ५० लोकांची उपस्थिती ठेवून विवाह नोंदणी कार्यालयात देखील नोंदविता येतील. अंत्यविधीसाठी २० व्यक्तींनाच उपस्थित राहण्याची परवानगी असेल. 

गाळे बांधण्यास विरोध करत ग्रामसेवकावर प्राणघातक हल्ला, औरंगाबाद जिल्ह्यातील घटना

अन्यथा बाजार समिती बंद 
बाजार समितीमध्ये शेतीशी संबंधित आस्थापना म्हणून सुरु ठेवता येईल. मात्र या ठिकाणी कोविड-१९ विषयक नियमांचे उल्लंघन दिसून आल्यास कोविड विषयक अधिसूचना लागू असे पर्यंत कृषी उत्पन्न बाजार समिती बंद करणे भाग पडेल असा असा इशारा जिल्हाधिकारी यांनी दिला.