औरंगाबाद : नव्या रचनेत वॉर्ड क्रमांक 79  या वॉर्डावर आरक्षण पडले. यामुळे नगरसेवकांनी नव्या वॉर्डाचा शोध सुरू केला आहे. आरक्षणातील बदलामुळे इच्छुकांचा गोंधळ वाढला आहे.

अंबिकानगर-मुकुंदवाडी या वॉर्डात संतोषीमातानगर, मुकुंदवाडीचा भाग, राजीव गांधीनगर, महालक्ष्मी कॉलनी, न्यू एसटी कॉलनीचा काही भाग येतो. हा वॉर्ड सर्वसाधारण महिलांसाठी सुटलेला आहे. या वॉर्डात सध्यातरी भाजप-शिवसेना यापेक्षा कॉंग्रेसचे पारडे जड आहे. 

असा झाला बदल 

• उत्तर दिशेला : महालक्ष्मी कॉलनी येथून ते मदिना मस्जीद, अंबिकानगर कॉर्नर,
• पूर्व दिशा : मदिना मस्जीद, महापालिका वाचनालय ते संतोषीमातानगर नाल्यापासून ते बुद्धविहार दक्षिण भिंतीपर्यंत.
• दक्षिण दिशा ः हॉटेल इच्छामणी ते विकास योजना रस्ता, ते न्यू एसटी कॉलनीपर्यंत.
• पश्‍चिम दिशा : दुर्गादास गव्हाणे, न्यू एसटी कॉलनी यांच्या घरापासून ते राजीव गांधीनगर ते दादाराव दहिहंडे यांच्या घराची पूर्व हद्द ते पतंजली आयुर्वेदिक दुकानापर्यंत. 

असा आहे वॉर्ड 

• लोकसंख्या- 11,396 
• अनुसूचित जाती- 3934 
• अनुसूचित जमाती -81 

अनेकजण इच्छुक
अंबिकानगरात रस्ते, वीज, कचरा सर्व सुविधा मिळत आहेत. केवळ पाणीपुरवठा हा अवेळी होतो. त्याची वेळ निश्‍चित करावी. यावेळी अनेकजण इच्छुक आहेत.

-सुरेश लाखे ,अंबिकानगर-मुकुंदवाडी,वॉर्ड क्रमांक 79