औरंगाबाद - महापालिका स्मार्ट सिटीच्या माध्यमातून शहरात जीआयएस प्रणालीव्दारे सर्वेक्षण करत आहे. त्यात शहरातील प्रत्येक बारकावे टीपले जात आहेत. दोन लाख ३८ हजार ५१० झाडे शहरात असल्याची नोंद झाली आहे. त्यानंतर इतर बाबी देखील समोर येत आहेत. तब्बल अडीच हजार किलोमीटर लांबीचे रस्ते शहरात असल्याची नोंद घेण्यात आली आहे. जीआयएस सर्वेक्षणाअंतर्गत शहरातील ३०० बाबींची नोंद घेतली जात आहे.
सर्वेक्षणाचे पहिल्या वर्षीचे काम प्रगतिपथावर असून, त्यातून समोर आलेल्या बाबींची माहिती महापालिका अधिकाऱ्यांना दिली जात आहे. या संदर्भात उपायुक्त अपर्णा थेटे यांनी सांगितले की, अॅमनेक्स कंपनीव्दारे हे काम केले जात आहे. ड्रोनच्या साह्याने शहराच्या इमेजेस घेऊन त्याची पडताळणी केली जात आहे. त्यात शहरात दोन हजार ५५५ किलोमीटरच्या रस्ते तयार झाले आहेत. डांबरीकरणाचे ५८१ किलोमीटरचे रस्ते असून, १ हजार ८४ किलोमीटरचे सिमेंटचे रस्ते बनविण्यात आले आहेत. खडीकरणाचे ६१ किलोमीटरचे तर ८२८ किलोमीटरचे कच्चे आहेत, असे श्रीमती थेटे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.