औरंगाबाद: कोरोनाबाधित रुग्णांची संख्या जास्त असलेले २६ भाग महापालिकेने कन्टेनमेंट झोन म्हणून जाहीर केले आहेत. या भागात नागरिकांनी फिरू नये म्हणून, फलक लावण्याचा निर्णय घेण्यात आला होता. पण त्याचा विसर प्रशासनाला पडला होता. दरम्यान शहरात गुरूवारी केंद्रीय पथक दाखल होताच हे फलक लावण्यात आले. पण प्रतिबंधित क्षेत्रात इतर भागातील नागरिकांचा वावर सुरूच आहे.

कोरोना संसर्ग रोखण्यासाठी शहरातील जास्त रुग्ण असलेल्या वसाहती कन्टेनमेंट झोन म्हणून जाहीर करा. त्याठिकाणी स्वतंत्र उपाययोजना करा, असे आदेश गेल्या महिन्यात केंद्रीय पथकाने दिले होते. त्यानुसार महापालिकेने स्मार्ट सिटीच्या टीमकडे ही जबाबदारी सोपविली होती. या टीमने शहरात २६ कन्टेनमेंट झोन जाहीर केले होते. त्यात बिग हॉटस्पॉट म्हणून आठ, मध्यम कन्टेनमेंट झोन म्हणून १२ व मायक्रो झोनमध्ये सहा वसाहतींचा समावेश करण्यात आला आहे.

खळबळजनक! बँकेच्या परीक्षेला आलेल्या तरुणाची भोसकून हत्या; हात छाटला

कन्टेनमेंट झोन निश्‍चित केल्यानंतर या भागात बॅनर्स व पोस्टर्स लावून हे भाग प्रतिबंधित क्षेत्र असल्याचा संदेश इतर भागातील नागरिकांना दिला जाणार होता. पण कन्टेनमेंट झोन जाहीर करून तीन दिवस उलटूनही फलक लावण्यात आले नव्हते. गुरूवारी केंद्रीय पथक शहरात येताच महापालिकेने कन्टेनमेंट झोनमध्ये बॅनर्स लावले.

गद्दारी मी नव्हे, सत्तारांनीच केली! कृष्णा पाटील डोणगावकरांचे प्रत्युत्तर

इतर भागातील नागरिकांना या भागात प्रवेश करण्यास मनाई असल्याची सूचना या बॅनर्सवर दिलेली आहे. आदेशाचे उल्लंघन करताना आढळल्यास संबंधितांवर साथरोग प्रतिबंध कायद्यानुसार कारवाई किंवा गुन्हा दाखल केला जाईल, असेही नमूद करण्यात आले आहे. पण या आदेशाचे पालन अद्याप सुरू झालेले नाही.