औरंगाबाद : शिवाजीनगर रेल्वेगेटला एका वाहनाने धडक दिल्यानंतर रेल्वेगेट अचानक लॉक झाले. अचानक उद्भवलेल्या या परिस्थितीमुळे वाहतूकीची तब्बल ४ तास कोंडी झाली होती. अखेर वेल्डींगने गेट दुरुस्त केल्यानंतर दुपारी एक वाजेदरम्यान वाहतूक सुरळित झाली. हा प्रकार गुरुवारी सकाळी घडला. अज्ञात वाहनाने गेटला धडक दिल्याने हा प्रकार घडला असल्याने रेल्वे सुरक्षा दलाने (आरपीएफ) ताब्यात घेतले आहे. तर वाहनचालकाचा शोध सुरु असून त्यालाही ताब्यात घेणार असल्याची माहिती आरपीएफकडून देण्यात आली.