औरंगाबाद - जिल्ह्यातील संभाव्य पाणीटंचाईच्या निवारणाची भिस्त टंचाइ निवारण कृती आराखड्याच्या अंमलबजावणीवर अवलंबून राहणार आहे. जिल्ह्यातील संभाव्य पाणीटंचाई भासू शकेल अशी ५६१ गावे आणि ५४ वाड्यांची संभाव्य पाणीटंचाई निवारण्यासाठी जानेवारी ते जुन २०२० साठी उपाययोजनांचा कृती आराखडा तयार केला गेला. 

यंदा ऑक्‍टोबर महिन्यात अवकाळी व अतिवृष्टीच्या स्वरूपात आलेल्या पावसामुळे पाणीटंचाईचे संकट राहणार नाही असे वाटले. मात्र झालेला हा पाउस सर्वदूर समान नसल्याने जिल्ह्यातील अनेक पाणीसाठ्यांची व भूगर्भाची तहान कायम राहिली. प्राप्त माहितीनुसार जिल्ह्यातील एकूण ६५ मंडळांपैकी जवळपास २० ते २२ मंडळात गेल्या पाच वर्षात व यंदाही सरासरीइतका पाउस झाला नाही.

 क्‍लिक करा : मतदार यादीत घोळ घालणारे चार कर्मचारी निलंबित 

त्यामुळे जिल्ह्याचा सरासरी पाउस अपेक्षेच्या पुढे गेल्याचा दिसत असला तरी प्रत्यक्षात काही भागात यंदा पाणीटंचाईला सामोर जावे लागण्याची शक्‍यता व्यक्त केली जात होती. ही शक्यता गृहित धरून जिल्ह्यातील संभाव्य पाणीटंचाई भासू शकणाऱ्या ५६१ गावे व ५४ वाड्यांची संभाव्य पाणीटंचाई निवारण्यासाठी जानेवारी ते जुन २०२० साठी उपाययोजनांचा कृती आराखडा तयार केला गेला. जानेवारी ते मार्च व एप्रील ते जुन २०२० अशा दोन टप्प्यात या कृती आराखड्याची अंमलबजावणी करण्याचे नियोजन केले.

ठळक बातमी : सोन्याचा भाव घसरला : सराफा बाजारात शुकशुकाट 

 पहिल्या टप्प्यात ३१८ गावे व ४४ वाड्यांसाठी ६५२ योजनांसाठी अंदाजे आवश्‍यक खर्च १६ कोटी ९९ लाख प्रस्तावित करण्यात आला. तर दुसऱ्या टप्प्यात २४३ गावे व दहा वाड्यांच्या टंचाईच्या उपाययोजनांसाठी ४६० योजनांच्या पुर्ततेसाठी ११ कोटी ८३ लाख रूपये खर्च अपेक्षीत असल्याचे आराखड्यात नमूद करण्यात आले आहे. दोनही टप्पे मिळून जानेवारी ते जुन २०२० दरम्यान जिल्ह्यातील ५६१ गावे व ५४ संभाव्य टंचाईग्रस्त गावांसाठीच्या प्रस्तावित योजनांसाठी २८ कोटी ८२ लाख ८५ हजार रूपयांचा खर्च अपेक्षीत असल्याचे सुत्रांनी सांगीतले. 

हेही वाचा : २४ x ७ उपलब्ध असणारे चंद्रकांत खैरे नॉटरिचेबल