छत्रपती संभाजीनगर - नांदेड येथील शासकीय रुग्णालयात रुग्ण व नवजात बालके दगावल्यानंतर खासदार हेमंत पाटील यांनी रुग्णालयाचे अधिष्ठातांना स्वच्छतागृह साफ करायला लावले. या प्रकाराचा ठाकरे गटाच्या शिवसेनेने निषेध करत गुरुवारी (ता.५) छत्रपती संभाजीनगर येथे मुतारीत हेमंत पाटील यांचे पोस्टर लावून अनोख्या पद्धतीने निषेध नोंदवला.

ठाकरे गटाचे युवासेनेचे प्रमुख आदित्य दहिवाल यांच्या नेतृत्वाखाली हे आंदोलन करण्यात आले. यावेळी या पोस्टरला कांद्याचा हार टाकून निषेध व्यक्त करण्यात आला यावेळी आदित्य दहिवाल, दिनेश तालबाने, देवेंद्र गायकवाड मुकेश खिल्लारे ,यश पागोरे, संदीप पागोरे ,अनिल चोंडीया, निलेश , विनोद शिंदे, रोहित साळवे, अजय भालेराव ,शिवसैनिक उपस्थित होते.