औरंगाबाद: महाराष्ट्र राज्य शिक्षण मंडळाने दहावी-बारावीच्या लेखी परीक्षेचे वेळापत्रक जाहीर केले आहे. मात्र, अद्याप प्रात्यक्षिक परीक्षेचे वेळापत्रक जाहीर केलेले नाही. त्यामुळे प्रात्यक्षिक परीक्षा नेमक्या केव्हा होतील? याबाबत विद्यार्थ्यामध्ये संभ्रम आहे.

राज्यात मागील काही दिवसांपासून पुन्हा कोरोनाजन्य परीस्थिती आहे. अशातच महाराष्ट्र राज्य शिक्षण मंडळाने दहावी-बारावीच्या लेखी परीक्षेचे वेळापत्रक जाहीर केले आहे. सध्या दहावी-बारावीचे वर्ग भरत असले तरी फक्त ५० टक्के विद्यार्थी उपस्थित रहात आहे. तसेच वर्गामध्येही फक्त तीनच तास होत असल्यामुळे आभ्यासक्रम पुर्ण करण्याचे आव्हान शाळांवर आहे.

MPSC Exam: राज्यसेवा पूर्वपरीक्षेची तयारी सुरु; १४ मार्चला होणार परीक्षा

अनेक विद्यार्थी कोरोनामुळे अद्याप शाळेत आलेले नाहीत. ऑलाईन शिक्षणातही अनेक अडचणी आहेत. विज्ञान विषयातील कपातीचा गोंधळ अद्याप कायम आहे. त्यातच गेल्या काही दिवसांपासून पुन्हा कोरोनाचा उद्रेक झाला आहे. त्यामुळे विद्यार्थ्यांना शाळेत पाठवण्यास पालकांकडून विरोध सुरु झाला आहे. परीक्षा तोंडावर आली असताना शाळांकडून प्रात्यक्षिक परीक्षेबाबत काहीच सांगण्यात येत नसल्याने विद्यार्थ्यांची धाकधूक वाढली आहे.

विज्ञान आणि गणित विषयाची लेखी परीक्षा ८० गुण व प्रात्यक्षिक परीक्षा २० गुण असे मुल्यमापन केले जाते. शाळा बंद असल्याने विद्यार्थ्यांना अंतर्गत गुण कसे मिळतील. प्रात्यक्षिक परीक्षा कधी होईल. कोरोनामुळे मुले शाळेत येवू शकत नाहीत. त्यामुळे प्रत्यक्ष प्रात्यक्षिकांचा सराव न करता प्रात्यक्षिक परीक्षा कशी द्यावी, याबाबत विद्यार्थी, शिक्षक व पालकांच्या मनामध्ये गोंधळाची स्थिती आहे. विषय शिक्षकानी ऑनलाईन विज्ञान विषयाच्या अध्यापनात प्रात्यक्षिकांचे सादरीकरण दाखवले तरी विद्यार्थ्यांना स्वतः प्रयोगशाळेत जावून प्रयोग करणे व प्रयोगवहीत नोंदी घेणे शक्य नाही.

मनसे अध्यक्ष राज ठाकरेंविरुध्द क्रांती पोलिस स्टेशनमध्ये तक्रार

गणित आणि विज्ञान हे दोन्ही विषय प्रत्यक्ष शिक्षकांच्या सानिध्यात आत्मसात करण्याचे विषय आहे. विद्यार्थ्यांना या विषयांचे यंदा प्रचंड दडपण असल्याचे विषय शिक्षकांचे म्हणणे आहे.