औरंगाबाद: महाराष्ट्र आरोग्य विज्ञान विद्यापीठातर्फे १९ एप्रिल ते ३० जूनदरम्यान एमबीबीएस, बीडीएस आदी वैद्यकीय शाखेच्या परीक्षा होणार आहेत. मात्र सध्या कोरोनाच्या स्थितीमुळे या परीक्षा पुढे ढकलाव्यात अशी मागणी रविवारी (ता. ११) मराठवाडा पदवीधर मतदारसंघाचे आमदार सतीश चव्हाण यांनी मुख्यमंत्री उध्दव ठाकरे, उपमुख्यमंत्री अजित पवार, वैद्यकीय शिक्षण मंत्री अमित देशमुख यांच्याकडे केली.
आमदार सतीश चव्हाण यांनी निवेदनात नमूद केले की, महाराष्ट्र आरोग्य विज्ञान विद्यापीठाने जाहीर केलेल्या वेळापत्रकाप्रमाणे ऑफलाईन पध्दतीने वैद्यकीय शाखेच्या परीक्षा होणार असून कोविड आजाराविषयी आवश्यक ती सर्व खबरदारी घेऊन या परीक्षा होतील, असे विद्यापीठातर्फे सांगण्यात आले. मात्र परीक्षा देणारे अनेक विद्यार्थी कोरोना बाधित आहेत. परीक्षेला बसता यावे म्हणून लक्षणे असूनही अनेक विद्यार्थी कोरोना चाचणी करीत नसल्याचे निदर्शनास आले आहे.
आज वैद्यकीय शिक्षण घेणारे अनेक विद्यार्थी घरी आहेत. मात्र आता या विद्यार्थ्यांना परीक्षेसाठी एका जिल्ह्यातून दुसर्‍या जिल्ह्यात जावे लागणार आहे. तसेच वसतिगृहात एका खोलीत ३ ते ४ विद्यार्थी राहतात. त्यामुळे विद्यार्थ्यांमध्ये कोरोनाचा संसर्ग होण्याची शक्यता नाकारता येणार नाही. शिवाय अभ्यासिकाही बंद असल्याने विद्यार्थ्यांना अभ्यासासाठी मोठी अडचण निर्माण होणार आहे.
त्यामुळे परीक्षा घेऊन विद्यार्थ्यांचे आरोग्य धोक्यात घालणे योग्य होणार नाही. त्यामुळे महाराष्ट्र आरोग्य विज्ञान विद्यापीठातर्फे आगामी होणाऱ्या एमबीबीएस, बीडीएस आदी वैद्यकीय शाखेच्या परीक्षा पुढे ढकलण्यात याव्यात अशी मागणी आमदार चव्हाण यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.