औरंगाबाद - कोरोनाचा संसर्ग वाढतानाच कुटुंबातील रुग्णांची संख्याही लक्षणीय ठरत आहे. त्यामुळे कोरोना रुग्ण आढळलेल्या १२ वसाहतींपैकी आरेफ कॉलनी, किराडपुरा, बायजीपुरा हे भाग अतिसंवेदनशील तयार होत असून, या भागांवर महापालिकेचे अधिक लक्ष असल्याचे महापौर नंदकुमार घोडेले यांनी गुरुवारी (ता.१६) सांगितले. तीन भाग असंवेदनशील महापौर नंदकुमार घोडेले यांनी गुरुवारी

तीन भाग अतिसंवदेनशील

सायंकाळी फेसबुक लाइव्ह पत्रपरिषदेद्वारे पत्रकारांशी संवाद साधला. त्यावेळी महापौरांनी सांगितले की, आजपर्यंत बारा वसाहतीत कोरोना रुग्ण आढळले. त्यापैकी आरेफ कॉलनी, किराडपुरा आणि बायजीपुरा हे तीन भाग अतिसंवदेनशील होताना दिसत आहे. येथे संपर्कातल्या संपर्कातून कोरोना रुग्णांचा आकडा वाढत आहे. कोरोनाच्या या वाढत्या संसर्गाला रोखण्याचे मोठे आव्हान महापालिकेचा आरोग्य विभाग व जिल्हा आरोग्य विभागासमोर आहे. पालिकेने या सर्व वसाहतील सील केल्या असून, येथे रोज पालिकेच्या आरोग्य पथकांकडून नागरिकांच्या आरोग्याची तपासणी केली जात आहे असेही महापौरांनी सांगितले.

हे वाचले का?  कोरोना बरा होतो; मग एड्सपेक्षा धोकादायक का?

दिवसभरात काय झाले?

गुरुवारी येथे ११५ आरोग्य पथकांकडून सहा हजार ९१५ घरांचा सर्व्हे केला गेला. त्यात ३१ हजार ७३१ नागरिकांची आरोग्य तपासणी करण्यात आली. १४ दिवसांपेक्षा अधिक दिवस येथे आरोग्य तपासणी करणार. महापालिकेने शहरात १२ ठिकाणी फिव्हर क्लिनिक सुरू केले आहेत. १०७ रुग्णांची तपासणी कोरोनाची लक्षणे आढळणाऱ्‍या सर्दी, ताप, खोकला या आजारांची येथे तपासणी केली जात आहे. बुधवारपर्यंत या सेंटर्समधून दोन दिवसांत २३३ रुग्णांची तपासणी झाली. त्यापैकी चार कोरोना संशयितांना पुढील तपासणीसाठी जिल्हा सामान्य रुग्णालयात पाठविले. गुरुवारी दिवसभरात १०७ रुग्णांची तपासणी करण्यात आली. त्यापैकी दोन कोरोना संशयितांना पुढील तपासणीसाठी जिल्हा सामान्य रुग्णालयात पाठविण्यात आल्याची माहिती महापौरांनी दिली.

प्रेरणावाट : स्वतः कोरोनाग्रस्त, तरीही जपला डॉक्टरी धर्म

एमजीएम येथे कोविड केअर सेंटर

एमजीएम रुग्णालयातर्फे एमजीएम परिसरातील स्पोर्टस् कॅम्पच्या इमारतीत कोविड केअर सेंटर सुरू करण्यात आले. येथेही आता कोरोना संशयितांची तपासणी केली जात आहे. येथून स्वॅब कलेक्शन सुरू केले असून, गुरुवारी ३५ स्वॅब घेऊन घाटीकडे पाठविले आहे. यासाठी महापालिकेच्या आरोग्य वैद्यकीय अधिकारी डॉ. नीता पाडळकर, आरोग्य अधिकारी डॉ. राठोडकर व यांची टीम परिश्रम घेत असल्याचे महापौर म्हणाले.