तीर्थपुरी : येथील नगरपंचायतीच्या विरोधात विविध मागण्यासाठी शिवसेनेच्या वतीने गुरुवारी जनआक्रोश मोर्चा काढण्यात आला. यावेळी गाढवाच्या गळ्यात फलक लटकवून आंदोलकांनी घोषणाबाजी केली. तर शिवसेनेचे दोन नगरसेवक व एक नगरसेविका पती पंचायत आणि शहराला बदनाम करण्याकरिता वारंवार स्टटंबाजी करून विकासकामांस खोडा घालण्याचे काम करत आहे, असा पलटवार उपनगराध्यक्ष शैलेंद्र पवार यांनी केला.
शिवेसेनेने नगरपंचायतीने नागरिकांवर वाढवलेला कराचा बोजा कमी करण्यात यावा, रमाई घरकुल योजने अंतर्गत प्रलंबित धनादेश वितरित करण्यात यावे, प्रधानमंत्री आवास योजनेतील भोगवटाधारक लाभधारकाचा योजनेत समावेश करण्याचा मार्ग मोकळा करावा, नगरपंचायत अंतर्गत जमा व खर्चाच्या तपशीलात अनियमितता रोखण्यात यावी, शहरातील नादुरूस्त सीसीटीव्ही कॅमेरे दुरुस्त करावे आदी मागण्यांसाठी आंदोलन केले.
छत्रपती शिवाजी महाराज चौकात रास्ता रोको करून पंचयातीविरोधात संताप व्यक्त केला. नगरपंचायतीमध्ये जाऊन नगरपंचायत कार्यालय अधीक्षक मिसाळ यांना निवेदन दिले. यावेळी नगरसेवक रमेश बोबडे, डॉ. प्रवीण कडुकर व सचिन चिमणे, विजय चिमणे, आकाश गाडेकर, तुकाराम बोबडे, दत्ता चिमणे यांच्यासह शिवसैनिक मोठ्या संख्येने उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.