छत्रपती संभाजीनगर

बीडमध्ये भीषण चाराटंचाईचे संकट

CD
बैठकांचा धडाका, बांधावर मात्र चाऱ्याचा ठणठणाट केवळ दोन महिन्यांचा चारा शिल्लक; दुष्काळाच्या झळांनी पशुपालक हवालदिल सकाळ वृत्तसेवा बीड, ता. ५ ः प्यायला पाणी नाही, शेतात पीक नाही आणि आता गोठ्यात मुक्या जनावरांना घालायला चाराही नाही. दुभती जनावरे भुकेने टाहो फोडत आहेत आणि आम्ही हतबल होऊन पाहत आहोत. बँकेचे अन् सावकाराचे कर्ज कसे फेडायचे, या विचाराने डोकं सुन्न झालंय. साहेब, बैठकांचे सोपस्कार सोडा आणि आमच्या जनावरांचा जीव वाचवा! बीड जिल्ह्यातील हवालदिल झालेल्या पशुपालकांचा आणि शेतकऱ्यांचा हा आक्रोष सध्याच्या भीषण चाराटंचाईची दाहकता सांगण्यासाठी पुरेसा आहे. आस्मानी संकटाने पिकांची दाणादाण उडवली असतानाच, आता बीड जिल्ह्यातील पशुधनावर चाराटंचाईचे मोठे संकट ओढवले आहे. पावसाने मारलेली दडी आणि वाळून खाक झालेली पिके यामुळे जिल्ह्यात सध्या केवळ ६० दिवस (दोन महिने) पुरेल एवढाच चारा शिल्लक असल्याची धक्कादायक माहिती समोर आली आहे. यामुळे आगामी काळात जिल्ह्यातील लाखो पशुधन गंभीर अडचणीत येण्याची भीती निर्माण झाली आहे. या बिकट परिस्थितीचा आढावा घेण्यासाठी विभागीय आयुक्त आणि जिल्हाधिकाऱ्यांनी उच्चस्तरीय बैठकांचा धडाका लावला आहे. मात्र, या बैठकांमध्ये चारा साठ्याची केवळ आकडेमोड होत असून, प्रत्यक्षात मदतीच्या कोणत्याच ठोस उपाययोजना जमिनीवर उतरलेल्या नाहीत. ---- उपाययोजना केवळ कागदावरच चारा छावण्या सुरू करणे, परजिल्ह्यातून चारा आणणे किंवा वैरण विकासासाठी विशेष अनुदान देणे, यांसारख्या कोणत्याही तातडीच्या उपाययोजना अद्याप प्रशासनाकडून राबवल्या गेल्या नाहीत. प्रशासकीय पातळीवर केवळ कोरड्या चर्चा सुरू असून, प्रत्यक्ष बांधावर मात्र चाऱ्याअभावी मुक्या जनावरांचे हाल होत आहेत. चारा छावण्या किंवा चारा डेपो तातडीने सुरू न केल्यास बीडमधील पशुधन वाचवणे कठीण होईल. ------ चारा महागला, जनावरे विकणेही कठीण शेतातील पिके जळाल्याने कडबा आणि वाळलेला चारा मिळणे दुरापास्त झाले आहे. बाजारात चाऱ्याचे भाव गगनाला भिडल्याने जनावरे सांभाळायची कशी, असा यक्षप्रश्न पशुपालकांसमोर आहे. दूध व्यवसाय पूर्णपणे धोक्यात आला आहे. धक्कादायक बाब म्हणजे, चाराच नसल्याने बाजारात जनावरे विकायला नेली तरी कोणीही ती खरेदी करायला तयार नाही. ------ बळिराजाचा संताप सोयाबीन, कापूस, तूर सगळंच वाळून खाक झालंय. प्रशासनाने नुसत्या बैठका न करता प्रत्यक्ष कृतीवर भर द्यावा, अशी संतप्त प्रतिक्रिया बीडचे शेतकरी अरुण भिसे यांनी दिली आहे. तर, सरकारने तातडीने मोफत चारा आणि वैरण उपलब्ध करून न दिल्यास मोठे संकट उभे राहील, अशी भीती शहापूर (माजलगाव) येथील सुशील आळणे यांनी व्यक्त केली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Tamhini Ghat Accident : ताम्हिणी घाटात १२०० फूट खोल दरीत फॉर्च्युनर कोसळली; मोठ्या उद्योजकाचा मृतदेह बाहेर काढण्यात यश

८ वर्षांपासूनचे प्रेमसंबंध तोडले, तरुणाला राग अनावर, प्रेयसी आई-वडिलांसह घरी असताना लावली आग; डोंबिवलीत खळबळ

Akola News: अघोरी कृत्यांचे व्हिडीओ सोशल मीडियावर व्हायरल ,दोघांना पोलिसांनी घेतले ताब्यात , अनिष्ट प्रथांना बळी न पडण्याचे आवाहन

'दिलरुबा दिलनशी...' गाण्यावर सुकन्या मोनेंचा भन्नाट रील; ऐश्वर्यानेही धरला ठेका!

Marathi News Live Updates : Pune : आनंदराज आंबेडकर यांनी अजितदादांबद्दल केलेले वक्तव्य दुर्दैवी आणि असंवेदनशील - अमोल मिटकरी

SCROLL FOR NEXT