फुलंब्री (औरंगाबाद) : फुलंब्री तालुक्यातील तळेगावात ह्दय पिळवटून टाकणारी घटना घडली आहे. मंगळवारी पाच वाजेच्या दरम्यान गावालगत असलेल्या तलावात पाच शाळकरी मुलींचा बुडून मृत्यू झाला आहे. या घटनेची माहिती मिळताच हसनाबाद (ता.भोकरदन) पोलीसांनी घटनास्थळी धाव घेतली आहे. अशुबी लतीफ पठाण (वय ६), नाबिबाबी नवाज पठाण (वय ६), अल्फिदाबी गौसखा पठाण (वय ७) सॅनियाबी अस्लम पठाण (वय ६) व शब्बूबी अस्लम पठण (वय ५) असे मृत झालेल्या मुलींचे नावे आहेत.

अरे बाप रे ..! औरंगाबादेत इंग्रजी शाळांकडून पालकांना धमक्या.

मिळालेल्या माहितीनुसार, फुलंब्री तालुक्यात जालना जिल्ह्यातील तळेगावचा समावेश झालेला आहे. तळेगावला तालुका फुलंब्री असला तरी पोलीस ठाण्याची हद्द हसनाबाद (ता.भोकरदन)आहे. तळेगाव गावाच्या शिवारात एक तळेगाव वाडी म्हणून शेतवस्ती आहे. या शेतवस्तीवर सुमारे २० ते २५ कुटुंब राहतात. या वस्तीला लागून एक पाझर तलाव आहे. या पाझर तलावाच्या परिसरात पाच ते सात वयोगटातील पाच मुली खेळत होत्या.

लॉकडाउनचा ‘मुहूर्त’ साधून बालविवाहाचे ‘शुभमंगल’!  

त्या पोहण्याच्या उद्देशाने तलावात उतरल्या असताना त्या पाचही मुली तलावात बुडाल्या. या घटनेची माहिती मिळाल्यानंतर लगेच परिसरातील नागरिकांनी पाचही मुलींना बाहेर काढले. उपचारासाठी फुलंब्री येथे आणले. मात्र तो पर्यंत त्यांचा मृत्यू झाला.

संघर्ष योध्याला आमचे आयुष्य लाभू ध्या..! चाहत्यांकडून मुंडेंसाठी प्रार्थना

सदरील मुलींना पुन्हा तळेगाव येथे नेण्यात आले.  संबंधित मुलींना भोकरदन तालुक्यातील हसनाबाद येथील प्राथमिक आरोग्य केंद्रात शवविच्छेदन करण्यासाठी नेण्यात आले. घटनास्थळी उपविभागीय पोलीस अधिकारी सुनील जायभाये, हसनाबाद पोलिस स्टेशनचे संतोष घोडके इतर पोलीस कर्मचारी घटनास्थळी उपस्थित होते. 

वृक्षलागवडीचा ‘रामपुरी पॅटर्न’ आता संपूर्ण जिल्ह्यात  

गावावर शोककळा 
एकाच गावातील ८ ते १४ वयोगटातील पाच मुलींचा तलावात बुडून मृत्यू झाल्याने तळेगावावर शोककळा पसरली आहे.