औरंगाबाद : दशमेशनगर येथे चोरट्यांनी एकाच वेळी तीन दुकाने फोडून जवळपास एक लाख रुपयांचा माल चोरुन नेला. ही चोरी बुधवारी (ता. १७) सकाळी उघडकीस आली.
दशमेशनगर महादेव मंदिरासमोर शिव कॉम्प्लेक्स व जवळच्या तीन दुकानांमध्ये चोरट्यांनी चोरी केली. चोरट्यांनी विनायक किचन ट्रॉलीज दुकानाचे शटर उचकटून आत प्रवेश करत रोख ९३ हजाराची रोख रक्कम चोरून नेली. तसेच शेजारील संजोग दिवाकर बडवे यांचे जय डिस्ट्रीब्युटर्स नावाच्या दुकानात चोरीचा प्रयत्न केला.
संजय खडके यांच्या श्रद्धा मेडिकल तसेच मोरे यांची कामधेनु दुकानाचे शटर उचकटून चोऱ्या करण्यात आल्या आहेत. या प्रकरणी सुरेंद्र चन्ने (रा. श्रीकृष्ण हाऊसिंग सोसायटी, एन ८, सिडको) यांच्या तक्रारीवरुन उस्मानपुरा पोलिस ठाण्यात गुन्हा दाखल करण्यात आला आहे. या प्रकरणाचा तपास सहाय्यक पोलिस निरिक्षक श्री. सुर्यतळ हे करत आहेत.
चोरटे सीसीटीव्हीत कैद
कॉम्पलेक्समधील तीन दुकानांचे शटर उचकटून चोरी करणारे चोरटे विविध ठिकाणी सीसीटीव्हीत कैद झाले. त्याच आधारे शेख मजहर याला पकडले. त्याचे तीन साथीदार मात्र पसार झाले आहेत. गुन्हे शाखेचे उपनिरीक्षक कल्याण शेळके यांचे पथकही आरोपींच्या मागावर आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.