औरंगाबाद : सहकारात या ! जरुर आशीर्वाद देऊ, असा टोला माजी विधानसभा अध्यक्ष तथा आमदार हरिभाऊ बागडे यांनी काँग्रेस नेते कल्याण काळे (Kalyan Kale) यांना लगावला आहे. आज रविवारी (ता.२३) औरंगाबाद (Aurangabad) जिल्हा दुध संघाच्या निवडणुकीचा निकाल जाहीर करण्यात आला. त्यावेळी ते बोलत होते. याचा आम्ही एकमेकांचे शत्रू आहोत असे नाही. सहकार सर्वांचा असतो, असे म्हणताच कल्याण काळे यांनी नाना आता सहकार अर्धाच मिळाला, असे बागडे यांना उद्देशून म्हणाले. मला वाटते तुम्हाला कधी सहकारात उभा राहता येणार नाही, असा उपरोधक टोला बागडे यांनी काळे यांना लगावला. (Haribhau Bagade Criticize Kalyan Kale Over Cooperative Sector In Aurangabad)

तुटेल इथपर्यंत ताणायला नको. कार्यकर्ते पदाधिकारी यांचे आभार. या संघाची आणखीन झालेली भरभराट पाहायला मिळेल, असा आशावाद हरिभाऊ बागडे (Haribhau Bagade) यांनी यावेळी व्यक्त केला. औरंगाबाद जिल्हा दुध संघासाठी शनिवारी (ता.२२) मतदान झाले. त्याचा निकाल आज जाहीर झाला. यात भाजप-शिवसेनेने युती करुन दुध संघाची सत्ता आपल्याकडे राखली आहे. यावेळी महसूल राज्यमंत्री अब्दुल सत्तार, कल्याण काळे यांच्यासह विजयी पदाधिकारी उपस्थित होते.(Aurangabad District Milk Federation Election 2022)