औरंगाबाद : औरंगाबादेतील टीव्ही सेंटर परिसरात तरुणाच्या डोक्यात दगड घातला इतकेच नव्हे तर चक्क गुप्तांग जाळले आणि मृतदेह देखील जाळण्याचा प्रयत्न करण्यात आल्याची धक्कादायक घटना घडली आहे. सिद्धार्थ भगवान साळवे (वय 32, वर्षे रा. सिद्धार्थनगर, टीव्ही सेंटर) असे त्या मृताचे नाव आहे. ही घटना आज शुक्रवारी (ता.२१) सकाळी टीव्ही सेंटर परिसरातील व्यापारी संकुलाच्या पाठीमागे असलेल्या मैदानात उघडकीस आली. विशेष म्हणजे ६ दिवसांत खुनाची (Crime In Aurangabad) ही दुसरी घटना आहे. सिद्धार्थ हा रात्री सिडकोतील एका खासगी रुग्णालयात काम करत होता आणि दिवसा रंगकाम करत असे.(Horrible Incident Occured In Aurangabad, Youth Brutally Killed)

पोलिसांनी मृतदेह घाटीत नेला असून उत्तरीय तपासणी सुरू आहे. गुन्हा दाखल करावा यासाठी नातेवाईक सिडको पोलिस ठाण्यात दाखल झाले आहेत. सिद्धार्थ हा विवाहित असून त्याला एक मुलगा आहे. दारू पाण्यावरून सिद्धार्थचा सतत पत्नीसोबत वाद व्हायचा, अशी प्राथमिक माहिती समोर आली आहे. सिद्धार्थचे औरंगाबादेत (Aurangabad) कोणीही नातेवाईक नसून मूळ हिवरा (ता.जाफराबाद, जि. जालना) येथील कुटुंबियांना माहिती देण्यात आल्याची माहिती पोलिसांनी दिली आहे.