औरंगाबाद : महाराष्ट्र पुन्हा एकदा भीषण ऑनर किलिंगच्या घटनेनं हादरला आहे. औरंगाबाद जिल्ह्यातील वैजापूर तालुक्यात हा प्रकार घडला आहे. प्रेमविवाह केलेल्या बहिणीवर कोयत्यानं वार करत भावानं तिचं शीर धडावेगळं केलं. माणुसकीला काळीमा फासणाऱ्या या घटनेनं खळबळ माजली आहे.

सुत्रांच्या माहितीनुसार, बहीण आणि तिच्या प्रियकर विवाह करुन घरी परतले होते. संबंधित तरुणीच्या लहान अल्पवयीन भावाला याचा प्रचंड राग आला होता. त्यामुळं त्यानं रागाच्या भरात धारदार कोयत्यानं बहिणीवर वार केले आणि तिचं शीर धडावेगळं केलं. या घटनेमुळं संबंधित तरुणीचा मृतदेह रक्त्याच्या थारोळ्यात पडला होता. याची माहिती मिळताच पोलिसांनी तातडीनं घटनास्थळी धाव घेतली.

दरम्यान, वैजापूर पोलीस या घटनेचा तपास करत आहेत.