छत्रपती संभाजीनगरमध्ये गेल्या २४ तासात १८ रूग्णांचा मृत्यू झाल्याची माहिती समोर आली आहे. पण, हे १८ रूग्णांचे मृत्यू हलगर्जीपणामुळे झालेले नाहीत. मृतांमध्ये खासगी रूग्णालयातून पाठवलेल्या रूग्णांचा समावेश असल्याची माहिती रूग्णालयाचे डीन संजय राठोड यांच्या वतीने देण्यात आली आहे. (Latest Marathi News)

नांदेडमध्ये एका दिवसात २४ रूग्णांचा मृत्यूचे प्रकरण ताजे असतानाच छत्रपती संभाजीनगरमध्ये गेल्या २४ तासात १८ रूग्णांचा मृत्यू झाला आहे.

काय म्हणालेत रूग्णालयाचे डीन संजय राठोड?

अनेक रूग्ण हे खासगी रूग्णालयातून आलेले असतात. काही रूग्णांची परिस्थिती चिंताजनक असताना ते शासकीय रूग्णालयात दाखल होतात. त्यावेळी आम्ही त्यांच्यावर शक्य ते उपचार करतो. त्यामुळे मृत्यूचे प्रमाण हे जास्त आहे. (Marathi Tajya Batmya)

तर नांदेड आणि छत्रपती संभाजीनगरमधील शासकीय रूग्णालयातील मृत्यूची केंद्र सरकारने दखल घेतली आहे. संबधित घटनेप्रकरणी केंद्रीय आरोग्य मंत्री भारती पवार यांनी रूग्णालय प्रशासनाला अहवाल सादर करण्याचे निर्देश दिले आहेत.

या घटनेबाबत बोलताना केंद्रीय आरोग्य मंत्री भारती पवार म्हणाल्या, आज खूप जागरूकता आहे, तरीदेखील उपचारासाठी उशिरा पोहचणं असेल. त्याचबरोबर काही सर्पदंशासारख्या घटना आहेत. अशा अनेक बाबी असतात ज्यामध्ये काही वेळी रूग्णांचा दुर्दैवाने मृत्यू होतो.

यामृत रूग्णांच्या बाबतचा सविस्तर खुलासा मागवला आहे. केंद्र सरकार राज्यांना आरोग्याच्या बाबतीत मदत करण्यासाठी तत्पर आहे. आवश्क ती सर्व मदत केंद्राकडून केली जाईल, असं भारती पवार म्हणाल्या आहेत.(Latest Maharashtra News)

त्याचबरोबर रूग्णालयात औषधांचा तुटवडा नसावा अशी प्राथमिक माहिती असल्याचंही त्या म्हणाल्या आहेत. राज्यांना बजेट दिली जातात. राज्याला देखील देण्यात आलं आहे. त्याचबरोबर औषधांचा तुटवडा असल्याची कोणतीही तक्रार आमच्याकडे आली नसल्याचंही भारती पवार म्हणाल्या आहेत.