औरंगाबाद : औरंगाबादेतील पाणीप्रश्न पेटल्याचे दिसत आहे. काही दिवसांपूर्वी महाराष्ट्र नवनिर्माण सेनेने आंदोलन केले होते. भारतीय जनता पक्ष येत्या २३ मे रोजी पाण्यासाठी मोर्चा काढणार आहे. पाणीप्रश्नावर खासदार इम्तियाज जलील (Imtiaz Jaleel) यांनी उडी घेतली आहे. देवेंद्र फडणवीस (Devendra Fadnavis) तुमच्यात हिंमत असेल तर तुमच्या नगरसेवकांच्या वाॅर्डात महिलांना एकत्र करा, तेव्हा त्या तुमच्याच डोक्यावर हंड्याने हाणतील, असे आव्हान जलील यांनी फडणवीस यांना दिले आहे. सत्तेत बसण्यासाठी भाजपकडून देशात घाणेरडे खेळ खेळले जात आहे. (Imtiaz Jaleel Advise Devendra Fadnavis For Aurangabad Politics)

यात फडणवीस एक खेळाडू आहेत. आमच्या करिता शहराला पाणी महत्त्वाचे आहे. निवडणुकाजवळ आल्या की लोकांना मुर्ख बनवणे कुठपर्यंत करणार असा सवाल त्यांनी केला. आता नौटंकी करण्यासाठी येत आहेत, अशी टीका इम्तियाज जलील यांनी देवेंद्र फडणवीस यांच्यावर केली आहे.

देवेंद्र फडणवीस यांनी औरंगाबादचे नामांतर आता भाजप सत्तेत आल्यावर होणार असे सांगितले. या प्रसंगी त्यांनी माजी खासदार चंद्रकांत खैरे यांच्यावर केली. नामांतरावरही जलील यांनी फडणवीस यांच्यासह मुख्यमंत्री उद्धव ठाकरे यांच्यावर टीका केली.