औरंगाबाद : आता पुन्हा औरंगाबादच्या नामांतरावरुन राजकारण तापल्याचे दिसत आहे. शासकीय आदेशात एका गुंतवणूक कार्यक्रमामध्ये निमंत्रित सदस्यांत उद्योजक रामचंद्र भोगले यांच्या नावापुढे संभाजीनगर असा उल्लेख करण्यात आला आहे. त्याला एमआयएमचे खासदार इम्तियाज जलील (Imtiaz Jaleel) यांनी विरोध दर्शवला आहे. हिंमत असेल तर त्यांनी नाव बदलावे.मात्र पडद्याआडून अशा खेळ्या महापालिका निवडणुकांसाठी खेळल्या जात असल्याचे त्यांनी सांगितले. (Aurangabad)

अलीकडेच पालकमंत्री तथा उद्योगमंत्री सुभाष देसाई यांनी औरंगाबादचे संभाजीनगर नामकरण करण्याची हीच वेळ असल्याचे सांगितले होते. ज्या अधिकाऱ्याने अध्यादेश काढून औरंगाबादचे नामकरण केले आहे, त्याला बडतर्फ करण्याची मागणी खासदार जलील यांनी केली आहे.