औरंगाबाद: खरिपातील सध्या जवळपास सर्वच पिकांची पेरणी आटोपल्याचे चित्र जिल्हाभरात आहे. तसेच काही ठिकाणी आंतरमशागतीस सुरवात झाली आहे. कपाशी पिकात तूर पिकात नांगे भरणे सुरु आहे.

मुळात नांगे म्हणजे उगवले नाही त्या ठिकाणी त्याच पिकाचे आणि त्याच वाणाचे बियाणे लागवड करणे होय. एकात्मिक पीक व्यवस्थान करताना आंतरमशागतीसारखी कामे महत्त्वाची असून ती योग्य पद्धतीने करावीत असे आवाहन विभागीय कृषी विस्तार शिक्षण केंद्रातर्फे करण्यात आले आहे. 

हेही वाचा- कृषी दिन: उत्पादन खर्च कमी करण्यासाठी सुधारित तंत्रज्ञानाची कास धरा, डाॅ. डी. एल. जाधव

पूर्वमशातीचे सर्व काम आटोपले जरी असले तरी आंतरमशागत करताना विविध पद्धतींचा वापर केला जातो. याचाच एक प्रकार म्हणजे यांत्रिकी पद्धत. यात विविध यंत्राचा वापर करून किडीचा बंदोबस्त केला जातो. पिकांत चिकट सापळे लावणे, कीडग्रस्त भाग काढणे किंवा हाताने कीड जमा करणे अशी कामे मशागतीत येतात.

मशागतीच्या भौतिक पद्धतीत वातावरणातील अजैविक घटक तापमान आद्रता इत्यादी घटकांकडून कीड व्यवस्थापन करण्यासोबतच जास्त पाऊस झाला असल्यास पिकात साचलेले पाणी चर करुन बाहेर काढणे आदि कामे करावी.

याशिवाय जैविक पद्धतीत मित्रकिडीचे संगोपन करत पिकाचे शत्रू म्हणजे कीड मारणे अशी ही जौविक पद्धत आहे. याशिवाय रासायनिक पद्धतीमध्ये शेतकऱ्यांना फवारणी करण्याचे सर्वच कीटकनाशके माहिती असतातच, मात्र ती कृषी विद्यापीठाच्या शिफारशीनुसार द्यावीत असेही आवाहन विस्तार केंद्राद्वारे करण्यात आले आहे.

हेही वाचा: व्याज कापल्याशिवाय बॅंका देईनात पीककर्ज, खरीपात कशी करु पेरणी म्हणत शेतकरी थेट खंडपीठात