नाफे उर्दू शाळेतील शिक्षकाची
गैरहजेरी, वेतनाची चौकशी होणार
हिंगोली, ता. १८ (बातमीदार) ः येथील पेन्शनपुरा भागातील नाफे उर्दू प्राथमिक शाळेतील एका सहशिक्षकाच्या सततच्या गैरहजेरीची आणि शासन अनुदानातून उचलल्या जाणाऱ्या वेतनाची सखोल चौकशी करण्याचे निर्देश प्राथमिक शिक्षणाधिकारी मंजुश्री कल्लोवाड यांनी दिले आहेत. या प्रकरणी प्रत्यक्ष शाळेत जाऊन तपासणी करावी आणि पुढील सात दिवसांत चौकशी अहवाल सादर करावा, असे लेखी पत्र त्यांनी पंचायत समितीच्या गटशिक्षणाधिकाऱ्यांना मंगळवारी (ता. १७) बजावले आहे.
नाफे उर्दू प्राथमिक शाळेतील संबंधित सहशिक्षक शाळेत नियमित उपस्थित न राहता परस्पर वेतनाचा लाभ घेत असल्याची लेखी तक्रार सय्यद जावेद सय्यद बाबू यांनी ५ नोव्हेंबर रोजी शिक्षणाधिकाऱ्यांकडे केली होती. या तक्रारीची गंभीर दखल घेत शिक्षणाधिकारी कल्लोवाड यांनी तत्काळ चौकशीचे आदेश दिले. गटशिक्षणाधिकाऱ्यांनी संबंधित शाळेस प्रत्यक्ष भेट देऊन विद्यार्थ्यांचा व शिक्षकांचा हजेरीपट, रजा नोंदवही, वेतन देयके आणि इतर मूळ दप्तराची सखोल तपासणी करावी; तसेच संबंधित शिक्षक, मुख्याध्यापक, संस्थाचालक आणि तक्रारदार यांचे लेखी खुलासे व जबाब नोंदवून सात दिवसांच्या आत वस्तुनिष्ठ अहवाल सादर करावा, असे या आदेशात स्पष्ट करण्यात आले आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.