वडीगोद्री : मराठा समाजाला आरक्षण मिळावे यासाठी अंतरवाली सराटी येथे ता. 29 सप्टेंबर पासून मनोज जरांगे पाटील व त्यांचे सहकारी उपोषण करत होते. अखेर मुख्यमंत्र्यांच्या आश्वासनानंतर त्यांच्या उपस्थितीत त्यांनी उपोषण सोडले.

रविवार ता.17 रोजी वैद्यकीय उपचार, तपासणी करीता अंतरवाली सराटी येथून त्यांना रूग्णवाहिकेद्वारे छत्रपती संभाजी नगर येथील गॅलेक्सी हॉस्पिटल मध्ये दाखल करण्यात येणार आहे. तेथे जरांगे यांची वैद्यकीय तपासणी व उपचार करण्यात येणार आहे.

दरम्यान, मनोज जरांगे पाटील यांची उपोषण दरम्यान उपोषण स्थळी वैद्यकीय तपासणी करण्यात येत होती. शनिवार ता.16 रोजी मुख्यमंत्री एकनाथ शिंदे यांनी जरांगे पाटील यांच्या सोबत फोनवर चर्चा केली. वैद्यकीय तपासणी साठी छत्रपती संभाजी नगर येथील हॉस्पीटल मध्ये दाखल व्हावे करीता विनंती केली.

त्यानंतर "मी उपोषण स्थळी उपचार घेतो" असे जरांगे यांनी मुख्यमंत्री शिंदे यांना सांगितले. मुख्यमंत्री यांच्या विनंती प्रमाणे रविवारी ता.17 रोजी जरांगे पाटील सकाळी अकरा वाजता अंतरवाली सराटी ता. अंबड येथून छत्रपती संभाजी नगर येथे वैद्यकीय तपासणी साठी रवाना झाले आहे.