औरंगाबाद : औरंगाबादचे (Aurangabad) माजी विभागीय आयुक्त पुरुषोत्तम भापकर (IAS Purushottam Bhapkar) यांच्या नावाने बनावट फेसबुक अकाऊंट (Facebook Fake Account) तयार करुन काहींकडून पैसे मागण्याचा प्रकार आज बुधवारी (ता.दोन) समोर आला आहे. याबाबत 'ई सकाळ'ने श्री.भापकर यांच्याशी संपर्क साधला. त्यांनी सांगितले, की माझ्या नावाने कोणीतरी फेसबुकवर फेक अकाउंट तयार करुन पैशांची मागणी करित आहेत. लोकांनी त्याला प्रतिसाद देऊ नये. सगळी माहिती घेऊन याबाबत सायबर सेलकडे तक्रार दाखल करणार असल्याचे त्यांनी स्पष्ट केले. तत्पूर्वी अधिकृत फेसबुक पेजवरुन लोकांना या बनावट अकाऊंटविषयी सांगणार असल्याचे भापकर यांनी कळविले आहे. (Money Demand Through Fake Facebook Account Of Purushottam Bhapkar)

कन्नड तालुक्यातील जेहूर येथील पत्रकार प्रशांत पवार यांना पुरुषोत्तम भापकर यांच्या फेसबुकवरुन फ्रेंडशीप रिक्वेस्ट आली. त्यांनी ती स्वीकारली. काही क्षणानंतर या बनावट फेसबुक अकाऊंटवरुन प्रशांत यांना पैशांची मागणी करण्यात आली. त्याने काही मित्रांशी आणि माध्यम प्रतिनिधींशी याबाबत बोलल्यानंतर सदरील फेसबुक अकाऊंट बनावट असल्याचे स्पष्ट झाले आहे.