औरंगाबाद : कोविडच्या Corona Test निदानासाठी ‘आरटीपीसीआर’ RTPCR चाचणीसाठी गेलेल्या नागरिकाला दिलेल्या नमुना टाकण्यासाठीच्या बाटलीत (टेस्ट ट्युब) द्रवात डास आढळला. अशा प्रकारामुळे चाचणीचे वेगळे परिणाम अथवा दोष येण्याची शक्यता नागरिकाने व्यक्त केली. हा प्रकार महापालिका Aurangabad Municipal Corporation कम्युनिटी हॉल, सिडको एन-दोन येथील चाचणी केंद्रावर गुरूवारी (ता. १७) घडला. शहरातील सिडको एन-तीन येथील अभ्यासिका चालवणारे अक्षय गोयल हे कम्युनिटी हॉल, सिडको एन-दोन येथे कोविड Corona चाचणीसाठी गेले. तेथे त्यांची ‘आरटीपीसीआर’ चाचणी करायची असल्याने त्यांना नमुना जतन करण्यासाठीची बाटली (टेस्ट ट्यूब) आरोग्य सेवकाने दिली व थांबण्यास सांगितले. या बाटलीतील पिवळ्या द्रवात त्यांना डास दिसून आला. हे पाहून श्री. गोयल यांनी हा प्रकार चाचणी केंद्रावरील आरोग्य सेवकाला सांगितला. सेवकाने चुकीने आल्याचे सांगत तातडीने त्यांना दुसरी बाटली दिली. यावर श्री. गोयल यांनी सांगितले की, चाचणीसाठीच्या द्रवात नाकातील व लाळेतील द्रव जतन करण्यासाठी ठेवण्यात येतात. Mosquito Found In Corona's RTPCR Test In Aurangabad

परंतू डास आढळणे हे धोक्याचे आहे. तिच बाटली नागरिकांना दिली जात असेल तर संभाव्य चाचणीत दोष आढळू शकतात. ‘माझ्यासोबत हा प्रकार घडला. मी वेळीच लक्ष दिले म्हणून ठिक आहे. परंतू इतरांसोबत असे प्रकार घडू नयेत,’ अशा शब्दात त्यांनी भावना व्यक्त केल्या.