sambhaji nagar  sakal
छत्रपती संभाजीनगर

Sambhaji Nagar : आता थेट प्राध्यापकांच्या खात्यात मानधन ; प्राचार्यांकडून खोट्या स्वाक्षऱ्यांद्वारे पैसे लाटल्याचे होते आरोप

डॉ. बाबासाहेब आंबेडकर मराठवाडा विद्यापीठांतर्गत चार जिल्ह्यांतील परीक्षांसंदर्भातील मानधनाची रक्कम प्राचार्यांकडून संबंधित प्राध्यापकांना दिली जात नव्हती. अनेकदा प्राचार्यांकडून खोट्या स्वाक्षऱ्यांद्वारे पैसे मिळविले जात असल्याचे एक ना अनेक आरोप विद्यापीठाच्या अधिसभेत करण्यात आले होते.

सकाळ वृत्तसेवा

छत्रपती संभाजीनगर : डॉ. बाबासाहेब आंबेडकर मराठवाडा विद्यापीठांतर्गत चार जिल्ह्यांतील परीक्षांसंदर्भातील मानधनाची रक्कम प्राचार्यांकडून संबंधित प्राध्यापकांना दिली जात नव्हती. अनेकदा प्राचार्यांकडून खोट्या स्वाक्षऱ्यांद्वारे पैसे मिळविले जात असल्याचे एक ना अनेक आरोप विद्यापीठाच्या अधिसभेत करण्यात आले होते.

यासंदर्भात ‘सकाळ’ने दोन डिसेंबरच्या अंकात ‘प्राचार्यांवर धडाडल्या आरोपांच्या फैरी’ या मथळ्याखाली प्राचार्यांचा समाचार घेतला होता. त्याची दखल घेत अखेर विद्यापीठ प्रशासनाने सदर मानधन थेट संबंधित प्राध्यपकांच्या खात्यावर देण्याचा निर्णय घेतला आहे. त्यासंदर्भातील ऑनलाईन यंत्रणेचे सॉफ्टवेअरही तयार करण्यात आल्याची माहिती सुत्रांनी दिली.

विद्यापीठाच्या अखत्यारित येणाऱ्या चार जिल्ह्यातील विद्यार्थ्यांच्या परीक्षा घेण्यापासून उत्तरपत्रिका तपासण्यापर्यंत परीक्षकांसह संबंधितांचा होणारा खर्च विद्यापीठाकडून प्राचार्यांच्या नावाने दिला जात होता. त्यातून अनेकदा प्राचार्य खर्चापोटीचे हे मानधन संबंधितांना देत नसत. चार जिल्ह्यातील चारशेहून अधिक महाविद्यालयांच्या प्राचार्यांमधून बोटावर मोजण्याइतपत प्राचार्यांचा अपवाद वगळता लाखोंची ‘माया’ काही प्राचार्यांकडून जमविल्याचा आरोपही अधिसभेत करण्यात आला होता.

तत्कालीन कुलगुरू डॉ. प्रमोद येवले यांच्या कार्यकाळातील शेवटची आणि दहावी अधिसभा त्यांनी चांगलीच गांभीर्याने घेतली होती. दरम्यान दोषी आढळणाऱ्या प्राचार्यांविरोधात गुन्हेही दाखल करण्याची भूमिका घेतली होती. अखेर तो मुद्दा मार्गी लागला असून परीक्षेसंदर्भातील मानधन संबंधित प्राध्यापक मंडळींच्या खात्यात जमा होणार असल्याचे पत्र परीक्षा व मूल्यमापन मंडळाने जारी केले आहे.

पत्रानुसार विद्यापीठ संलग्नित महाविद्यालयांच्या लेखी परीक्षेत कार्यरत असलेले शिक्षक, शिक्षकेतर कर्मचारी यांचे मानधन ऑनलाईन संबंधितांच्या बॅंक खात्यात जमा केले जाणार आहे. त्यासाठी विहित अर्जाच्या दोन प्रती परीक्षा संपल्यानंतर एक महिन्याच्या आत जमा करावे लागणार असून त्यानंतर हे मानधन जमा केले जाणार आहे.

मात्र, या पत्रात संबंधितांनी हा अर्ज प्रत्यक्ष सादर करावा की, पोस्टाने पोच करावा याबाबत स्पष्टता नसल्याने मानधनापोटी मिळणारी रक्कम इतर जिल्ह्यातून विद्यापीठात येण्याजाण्यासाठीच खर्च होईल, अशी शंका संबंधितांनी व्यक्त केली, याबाबत परीक्षा व मूल्यमापन मंडळाच्या संचालक डॉ. भारती गवळी यांच्याशी संपर्क केला असता होऊ शकला नाही.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Vaibhav Suryavanshi इंग्लंडमध्ये कसोटी सामना पाहून भारावला, गिलबद्दलही बोलला; लक्ष्मणमुळे U19 टीम इंडियाला मिळाला स्पेशल अनुभव

पन्नाशीतही फिट दिसण्यासाठी ऐश्वर्या नारकर फॉलो करतात हे रुटीन ; "कढीपत्त्याचं पाणी आणि डाएटिंग..."

S. k. Patil: मुंबईचा अनभिषिक्त सम्राट; तरीही ठाकरे म्हणतात मराठी माणसाचा शत्रू! भाषणात उल्लेख केलेले स. का. पाटील नेमके कोण?

Yeola Railway Station : येवला रेल्वे स्थानकाची पाहणी; ४ प्रमुख गाड्यांना थांबा देण्याची मागणी

ENGU19 vs INDU19 : तुफान आलया! वैभव सूर्यवंशीचा दरारा, इंग्लंडच्या गोलंदाजांना पुन्हा चोपले, खणखणीत अर्धशतक

SCROLL FOR NEXT