औरंगाबाद : मालमत्ता कर, पाणीपट्टी भरण्यासाठी अनेक मालमत्ताधारक वॉर्ड कार्यालयात येतात. मात्र आता त्यांना घरी बसून, कराची रक्कम भरता येणार आहे. औरंगाबाद स्मार्ट सिटी डेव्हलपमेंट कॉर्पोरेशनने ई-गव्हर्नन्स अंतर्गत नव्या आर्थिक वर्षापासून मोबाईलवर मेसेजची सुविधा उपलब्ध करून दिली आहे. त्याव्दारे नागरिकांना विविध सुविधा मिळणार आहे.
ई-गव्हर्नन्स अंतर्गत शहरातील मालत्ताधारकांचे मोबाईल नंबर लिंक करण्याचे काम काही महिन्यांपासून सुरू होते. हे काम पूर्ण झाल्यानंतर पाच एप्रिलपासून नागरिकांना विविध डिजिटल सुविधा उपलब्ध करून देण्याचा निर्णय महापालिकेचे प्रशासक आस्तिककुमार पांडेय यांनी घेतला आहे.
नागरिकांना घरपट्टी व पाणीपट्टी भरण्यासाठी मेसेज येईल. यासाठी स्मार्ट सिटीने https://www.aurangabadmahapalika.org/ हे पोर्टल लाँच केले आहे. या पोर्टलअंतर्गत नागरिकांच्या नोंदणीकृत मोबाईल नंबरवर एक पेमेंट गेटवे लिंक येईल. या लिंकवर क्लिक केल्यानंतर नागरिकांना आपली घरपट्टी व पाणीपट्टी किती आहे, ती रक्कम दिसेल. याच लिंक वरून नागरिकांना युपीआय व क्यूआरद्वारे बिल भरणे सहज शक्य होईल. यामुळे नागरिकांना वॉर्ड कार्यालयात चकरा मारण्याची गरज भासणार नाही, असे स्मार्ट सिटीचे प्रकल्प अभियंता फैज अली यांनी सांगिते.
या सुविधेमुळे नागरिकांच्या वेळेची बचत होईल. घरबसल्या सहज आणि सुलभ पद्धतीने कर भरणे शक्य होईल. तसेच पोर्टल वरून नागरिक महापालिकेशी निगडीत तक्रारीही नोंदवता येतील, या तक्रारींचे वेळेवर निवारण करता येईल, यंत्रणा तयार करण्यात आल्याचे फैज यांनी नमूद केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.