औरंगाबाद : आंतरराष्ट्रीय उद्योगांना गुंतवणुकीसाठी सर्वतोपरी सहकार्य करणे, हे सरकारचे धोरण आहे. ‘ऑरिक सिटी’मध्येही उद्योगांना गुंतवणुकीसाठी मोठ्या प्रमाणात सोयी-सुविधा उपलब्ध करून देण्यात येत आहेत. या माध्यमातून ‘ऑरिक’ला राज्यातील पहिला वीज वितरणाचा परवाना मिळाला आहे. यामुळे येथे गुंतवणूक करणाऱ्यांना स्वस्त दरात वीज उपलब्ध होईल, असे उद्योगमंत्री सुभाष देसाई यांनी सांगितले.

औरंगाबाद इंडस्ट्रिअल सिटी (ऑरिक) मध्ये विदेशी गुंतवणूक मोठ्या प्रमाणावर व्हावी यासाठी ‘ऑरिक’च्या सभागृहात राज्य सरकार, मॅग्नेटिक महाराष्ट्र एमआयडीसी यांच्यावतीने शनिवारी ‘ऑरा ऑफ ऑरिक’ परिषद घेण्यात आली. गुंतवणुकीसंदर्भात चर्चेसाठी मुख्यमंत्र्यांसोबत बैठक घेण्याची मागणी केली.