औरंगाबाद : राज्यात एखाद्या परिक्षेचा पेपर फुटणे ही घटना काही पहिल्यांदा घडलेली नाही. परंतु, नुकताच म्हाडा पूर्वपरीक्षेचा पेपर फुटी प्रकरणी भाष्य करताना मनसे अध्यक्ष राज ठाकरे यांनी चांगलाच समाचार घेतला. (MNS Chief Raj Thackeray On Mhada Exam Paper Leack ) ठाकरे म्हणाले की, म्हाडाचा पेपर फुटला पण, पेपर फोडणारे अद्याप फुटले नाही, असेही ते राज ठाकरे म्हणाले. ते औरंगाबाद येथे आयोजित पत्रकार परिषदेत बोलत होते. यावेळी त्यांनी विविध विषयांवर भाष्य केले. (Raj Thackeray In Aurangabad Tour for Upcoming corporation Election )

महाराष्ट्र नवनिर्माण सेनेचे (MNS) प्रमुख राज ठाकरे (Raj Thackeray) हे सध्या महाराष्ट्र दौऱ्यावर आहेत. आगामी काळातील महानगरपालिका निवडणुकांच्या पार्श्वभूमिवर पक्षाच्या पदाधिकाऱ्यांशी आणि कार्यकर्त्यांशी संवाद साधण्याचं काम ते या दौऱ्यातून करत असल्याचं दिसतं आहे. राज ठाकरे यांनी यावेळी वेगवेगळ्या विषयांवर भाष्य केलं आहे. यावेळी त्यांनी राज्यातील महाविकास आघाडी सरकार पडेल असं वाटत नसल्याचं सांगितलं.

राज्यात एखाध्या परिक्षेचा पेपर फुटणे ही काही पहिलीच घटना नाही. यापूर्वीदेखील अशा घटना घडल्या आहेत. मात्र, नुकत्याच फुटलेल्या म्हाडाच्या पेपर फटी प्रकरणावर बोलताना ते म्हणाले की, परिक्षेचा पेपर फुटला पण पेपर फोडणारे अद्यापही फुटले नाही. राज्य सरकारचा वचक नसल्यामुळेच अशा पेपर फुटीच्या घटना वारंवर घडत असल्याची टीकादेखील त्यांनी यावेळी केली.