राहुरी - तालुक्यातील तीन गावांमधील अल्पवयीन तीन मुलींच्या अपहरणाचे गुन्हे राहुरी पोलिस ठाण्यात नोंदविण्यात आले आहेत. देवळाली प्रवरा येथील अल्पवयीन मुलगी राहत्या घरातून २८ ऑगस्ट रोजी पहाटे तीन वाजता गायब झाली.

याप्रकरणी वडिलांच्या फिर्यादीवरून राहुरी पोलिस ठाण्यात प्रकाश रावसाहेब बोंबले (रा. जातप) याच्याविरुद्ध गुन्हा नोंदविण्यात आला. गोटुंबे आखाडा येथे २७ ऑगस्ट रोजी सायंकाळी सात वाजता अल्पवयीन मुलगी जेवण करून राहत्या घरातून बाहेर पडली.

ती घरी परतली नाही. तिच्या वडिलांच्या फिर्यादीवरून अज्ञात व्यक्तीविरुद्ध फूस लावून पळवून नेल्याप्रकरणी अपहरणाचा गुन्हा नोंदविण्यात आला आहे. म्हैसगाव येथे आई -वडील घरी नसताना अल्पवयीन मुलगी २५ ऑगस्ट रोजी घराबाहेर गेली. ती परतली नाही. याप्रकरणी अपहरणाचा गुन्हा नोंदविण्यात आला आहे.