छत्रपती संभाजीनगर : माजी खासदार चंद्रकांत खैरे आणि पालकमंत्री संदिपान भुमरे यांच्यामध्ये कायम आरोप प्रात्यारोप सुरू असतात. लोकसभा निवडणुका लढण्याची संदिपान भुमरे यांची लायकी नाही असं वक्तव्य चंद्रकांत खैरे यांनी केलं होतं. त्यानंतर त्यांच्या या वक्तव्याला भुमरेंनी प्रत्युत्तर दिलं आहे.

"खैरे मला म्हणतात की, माझी लायकी नाही, पण त्यांनी लोकसभेला उभं राहावं मग त्यांना कळेल लायकी आहे की नाही ते" असं वक्तव्य संदिपान भुमरे यांनी केलं आहे. त्याचबरोबर मुख्यमंत्री एकनाथ शिंदे यांनी संधी दिली तर मी लोकसभा निवडणूक लढायला तयार असल्याचंही त्यांनी सांगितलं आहे.

"काहीही झालं तरी शिवसेना भाजप युतीची ही जागा आहे. त्यामुळे कुणी कितीही प्रयत्न केले तरी आणच शिंदे साहेब ज्या उमेदवाराला लोकसभेचं तिकीट देतील त्या उमेदवारासाठी आम्ही काम करू. मी पालकमंत्री म्हणून लोकसभेची तयारी सुरू केली आहे, पण शिंदे साहेबांनी मला तिकीट दिलं तर मी लोकसभा निवडणूक लढवण्यासाठी तयार आहे.

फक्त मी जर लोकसभेसाठी उभं राहिलो तर मला विरोधामध्ये चंद्रकांत खैरे असायला पाहिजेत म्हणजे त्यांना दूध का दूध पानी का पानी करून दाखवू" असं मत पालकमंत्री संदिपान भुमरे यांनी व्यक्त केलं आहे.