लासूर स्टेशन जि. औरंगाबादः वादळी वाऱ्यासह पावसाचा फटका मेंढापाळांना बसला आहे. रायपूर (ता.गंगापूर) येथे वाऱ्याने वीज तारा तुटल्याने शॉक लागून तब्बल सव्वीस मेंढ्यांचा मृत्यू झाला आहे.
मेंढपाळ वाळीराम किसन सागरे यांच्या तब्बल साठ मेंढ्या शेतात बांधलेल्या होत्या. त्यावेळेस वीजेच्या तारा तुटल्या या तारांचा शॉक लागल्याने २६ मेंढ्याचा मृत्यु झाला आहे.
ही घटना गुरुवारी (ता.चार) सकाळी साडेसहाच्या सुमारास घडली.अंदाजे तीन लाख नव्वद हजारांच्या या मेंढ्या मृत्युमुखी पडल्या. मेंढ्यांवरच उर्दनिर्वाह असल्याने श्री. सागरे यांचे मोठे नुकसान झाले. तलाठी के. आर .घुगे यांनी पंचनामा केला आहे.
शासनाने श्री.सागरे याना तात्काळ नुकसानभरपाई देण्यात यावी अशी मागणी माजी पंचायत पंचायत समिती सदस्य ज्ञानेश्वर आहेर, संदीप शेलार, योगेश घिटरे, नवनाथ घिटरे यांनी केली आहे. यावेळी पोलीस पाटील बाबासाहेब जाधव, सरपंच चंद्रकला कीर्तिकर, ग्रामसेवक जाधव, महावितरणचे अभियंता सोमवंशी, पशुवैद्यकीय अधिकारी डॉ. उबाळे यांनी पाहणी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.